قال الرئيس عبدالفتاح السيسي : " إنتو فاهمين يعني إيه النهاردة، المواد الغذائية بتاعت الناس، تزيد مرتين و تلاتة، هو مين يستحمل ده، البلد كيف هتقدر تجابه استمرار الحالة دي، وهي بتحافظ ما أمكن على الأسعار متزيدش".
وأضاف "السيسي" في كلمته خلال افتتاح مصنعي الغازات الطبية والصناعية ومحطة توليد الطاقة الثلاثية بمجمع الصناعات الكيماوية بمنطقة "أبو رواش" بالجيزة، : " أنا بقول الكلام ده للمصريين كلهم، أوعوا تكونوا فاكرين، أننا مش حاسين كبني أدمين و مسئولين، إن الأسعار حمل على الناس"، موضحًا: "والله ما في أكتر من كده نقدر نعمله، محدش بيجيب حاجه من جيبه، ده من قدرة البلد".
وتابع، أن هناك بعض التجار يغالوا في الأسعار، ويستغلون الأزمات، معقباً:" الوقت اللي أحنا فيه يبرز فيه حرصنا على الناس، ومنغليش الحاجة على الناس، إحنا بنتكلم في أكل وشرب".
وتساهم مجمع الصناعات الكيميائية المتوسطة بأبو رواش، فى تغطية احتياجات السوق المحلى من الأكسجين الطبى اللازم للمستشفيات والمراكز الطبية ودعم العديد من المشروعات الإنتاجية كذلك الاستخدامات الصناعية بشركات المنتجات البترولية وصناعة الورق والمنسوجات وعدد من الصناعات الغذائية والدوائية، وقد تم تنفيذ تلك المشروعات بالتعاون مع العديد من الشركات المدنية.
