قالت الإعلامية ياسمين عز عبر برنامجها “كلام الناس” المذاع على فضائية mbc مصر للزوجات: “خافي على زوجك من صاحبتك” ضمن عدد نصائح وجهتها لسيدات بشأن التعامل مع صديقاتهن قائلة أنّ نصائحها مبنية على أسس دينية.
وقالت عز: “جوزك لو اتساب مش هيتجاب وبلاش تتريقي عليا لما بقولك صاحبتك هتسرقه منك، إيه موضة تحكي لصاحبتك أسرارك دي؟ أنتوا بتدعوا لدين جديد؟ حرصي على جوزك واعملي الصح معاه وحاوطي عليه ولو مزنوقة في كلمتين فضفضي له لأنه هيهز راسه وهينسى وبلاش تثقي في صحباتك”.
وتابعت : “كلامي دا لكل البنات وأي واحدة صاحبتها سرقت جوزها منها ومش بخصص حد معين، وبقولك أشغلي نفسك بجوزك ومتقوليش أسرارك برا، وصاحبتك اللي بنت أصول ولها كبير وعندها أب يقطم رقبتها ميتخافش منها ودي استثناء لأنها هتخاف إنما فيه صاحبات تانيين بتكلم عنهم”.
وحذرت من الثقة المفرطة في الصديقات وأضافت: “بلاش الثقة المفرطة في صديقاتك وأنا حذرتكم وقولت لك اعملي حدود للصداقة مع الكل وحياتك مع جوزك متكونش مشاع للجميع، وبقول كدا بناءً على الدين لأن مينفعش حد يختلي بحد وأنتوا بتكئبوني لأني مش بنظر عليكي وشوفنا أنه بيحصل أهو، ولازم تعملي الصح مع جوزك”.
