قالت ميرفت القفاص، أرملة الراحل عمار الشريعي، إن الراحل عمار الشريعي وبالرغم من رحيله عن عالمنا منذ ما يقارب الـ10 سنوات، لكنه لا يزال موجودا بداخل أسرته الصغيرة، كما أن أعماله لا تزال موجودة ويسمعها الجميع، متابعة "عمار أعماله عايشة، ولسه بنتفرج على الدراما بتاعته من مسلسلات وأفلام وأغاني".
أضافت "القفاص" خلال مداخلة هاتفية لها ببرنامج "السفيرة عزيزة"، المذاع على قناة "dmc"، أن الراحل الكبير لا يزال له الكثير من المحبين والمعجبين والذين دائما ما يؤكدوا أنهم قد علمهم ورباهم ثقافيًا وموسيقيًا، متابعة "الحجات دي بتفرحني، وبفرح لما بيكلموني في ذكراه".
وتابعت: أنا كنت مع بني آدم محترم بيقدر الست اللي معاه وبيته وبيحبني وابنه، والواحد لما بيسمع المشاكل الزوجيه دلوقتي بيقول أزاي فيه رجاله كده، أنا كنت مع راجل محترم جدا ومحسسنيش أني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه ومقدر النعمة اللي معاه.
وأوضحت أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت لـ25 عاما، متابعة "بقالي 10 سنين عايشة علشان مراد وأحقق فيه اللي بباه كان عايزه".
https://youtu.be/UZCKt0oWx8g
