كرم الرئيس عبدالفتاح السيسي، الدكتور عبدالسلام محمد سالم، الأستاذ بكلية الهندسة جامعة القاهرة، المشرف على تنفيذ محور المشير أبو ذكري.
وقال "السيسي" خلال كلمته في افتتاح محور فؤاد أبوذكري.. محور التعمير سابقًا بالإسكندرية، اليوم الاثنين : "بشكرك وبرحب بيك الأول يا دكتور وسعيد بإشرافك على المشروع الكبير ده.. من حوالي سنة ونص حصل نقاش ان بناء الطريق في البحيرات ممكن يسبب مشكلة كبيرة جدا وحضرت بداية تدشين المرحلة ، والدكتور عبدالسلام كان موجود وقلنا عاوزين إشرافك على المشروع الكبير ده، وعاوزين نطمن على العمل أنه يطابق المعايير والمواصفات بتاع الطريق".
أضاف الرئيس: "كلام الدكتور عبدالسلام إن المحور كان عبارة عن نصين الأول خدله عشرين سنة على الهبوط ..فمش هنستنى عشرين سنة تانيين على الجزء الثاني..الأمور مطمئنة وحتى لو حصل شيء من الهبوط هيبقا في الإطار الطبيعي ونتعامل معه بسهولة.
واصل الرئيس: "أولا بنرحب بيك ونشكرك وسعداء بالجهد اللى انت شاركت بيه واللى انت حطيت ثقل كبير قوي فيه..وهو عبارة عن السمعة والخبرة والعلم الكبير اللى عند حضرتك..بشكرك ويارب يديك الصحة شكرا جزيلا".
وتابع، أن الدكتور عبد السلام أكد أنه فى حدوث أى شيء سيتم التعامل معه بشكل سريع، موضحًا: "الدكتور عبد السلام وضع ثقلا كبيرا، وهى السمعة و العلم و الخبرة فى إخراج هذا المشروع بالشكل ده".
ويفتتح الرئيس عبدالفتاح السيسي صباح اليوم محور فؤاد أبو ذكري التعمير بالإسكندرية الذي يمتد بطول ٣٥ كم من تقاطعه مع طريق القاهرة / الإسكندرية الصحراوي حتى طريق سيدي كرير / مطار برج العرب بواقع ٩ حارات مرورية لكل اتجاه.
