قالت الفنانة وفاء عامر: كنت متعودة أني أقول لأهلى إني مش عاوزه أروح المدرسة لأني عندي حصة واحدة، لكن ما كنتش بهرب من المدرسة.
وأضافت وفاء عامر خلال مداخلة ببرنامج رأى عام مع الإعلامى عمرو عبد الحميد: أهلى عودونى أنى أقول لو مش عاوزة اروح المدرسة وكذلك عودت ابنى لكن لابد أن يكون هناك عذر.
وتابعت: كان عندى مدرسة عربى فاقدة في الأمل وكانت بتقعدنى في آخر الصف، وفى يوم قالت إنها هتملينا درس، ولما مليتنا الدرس، جبت 9 من 10 ، قالتلى انتى غشيتى منين، قولتلها ما غشيتش، طلعتنى على السبورة، وبعدها خلت الولاد يصقفولى، ودخلتنى الطلائع، وبقيت أحبها جدا، واحب المادة، ولما طلعت الأعدادية، كنت بعيط وبقرا لها الفاتحة لحد دلوقتى.
ووجهت نداء للمدرسين، أرجوكم خلوا الأطفال يحبوكم، وخلوكم ورا الفاشل لحد ما ينجح، وأنا بصور حاليا في العيلة دى، معانا محمد ثروت، وإنعام سالوسة، وبصور ضيفة مع على ربيع وهو دمه خفيف.
