قامت الفنانة ريم البارودي بعمل بث مباشر عبر حسابها على موقع انستجرام والذي ردت فيه على إحدى متابعيها التي حاولت أن تستفزها، من خلال تعليق قالت فيه: أنا بحب أحمد سعد، لترد عليها الفنانة قائلة: "كلنا بنحب أحمد سعد، وبنحب صوته، ولسه بسمع أغانيه والوطن العربي كله بيسمعه، والأغنية الحلوة اللي بتفرض نفسها على الناس كلها".
ومن جانبه رد أحمد سعد، قائلًا :"ربنا يخليها كلها ذوق ربنا يوفقها ويكرمها ويديها على قد نيتها، ويرزقها ويريح بالها".
وتابع متحدثا عن الخلافات السابقة بينهما: "أي اتنين بيسيبوا بعض بتبقى فيه بينهم في الأول مشاعر غضب، بس لما الدنيا بتهدى والمشاعر دي بتهدى وبيبتدي يفكر فبنعرف الناس دي كويس وإن كل الناس كانت كويسة ومحدش كان وحش في حياة حد".
