قال الرئيس عبدالفتاح السيسي: "والله كرم الله على مصر فوق خيالكم، وعندما حدثت أحداث 30 يونيو، وساعتها لما جيت عملت البيان في يوم 3 يوليو كنت حريصًا على تماسك الدولة المصرية ومجتمعها بما فيها هذا الفصيل، لأجل خاطر مصر".
وأضاف "السيسي" في كلمته خلال الجلسة الختامية للمؤتمر الاقتصادي- مصر 2022: "وقتها كنت موجودا في مجلس الوزراء فكانوا بيقولولي إحنا عايزين نحافظ عليك، وأنت الأيقونة بتاعتنا، وأنت البطل، طيب هو البطل خلاص بقى ولا إيه؟ أنا ضهري ربنا، واللي يقدر على ربنا يتفضل".
وتابع: "خلال ترشحي للرئاسة في 2 من الإعلاميين الأفضل -أقدرهم وأحترمهم- قالوا نعمل معاك لقاء، قلت طيب كويس، وبعد ما خلصت اللقاء معاهم قالولي إحنا ما نمناش امبارح، قلتلهم ليه، قالولي أصل أنت زجاج لا نحب لمسه لأن اللي اتعمل كتير جدا، وإحنا لازم نبقى شايفين وإحنا بنتكلم معاك نخلي بالنا".
وأردف: "لكن بعدها بكام شهر، كنا بنفتتح مشروع للمناطق الخضراء، فحد قال السجادة الحمراء ماشيين عليها! ياااه بعد كام شهر كده؟!، لأ انتوا مش عارفين السياق الإعلامي المطلوب لإدارة الدولة دي في المرحلة دي لمدة 20 سنة، السياق الإعلامي مش خدمة الرئيس ولكن خدمة الفكرة، انت عايز توحد الجهود، أدبيات التعامل مع الواقع في ظروف غير مناسبة".
