قالت المنتجة سارة الطباخ، إنه تم الزج باسمها في أزمة الفنانة شيرين عبدالوهاب، مؤكدة أن اتهامات أخوها بدون أي دليل، وسيتم تقديم طلب رسمي بالتحقيق فى الاتهامات.
وأضافت الطباخ، خلال مداخلة هاتفية في برنامج “الحكاية” اليوم مع الإعلامي عمرو أديب على قناة “ إم بي سي مصر”: "حسام حبيب اتصل بيا وقالي إنها اتعرضت للضرب وإنها مختفية من يوم الخميس ودخلت ياسر قنطوش عشان هو المحامي بتاعي، وهو حاول كتير يوصل لناس كتير يساعدوها”.
وأضافت: “والسبب إنه يلجأ لي أنه عارف إني عارفة ياسر قنطوش، وياسر قنطوش كلم مصطفى كامل وأكد له إن شيرين في مشكلة.. روحتلها المستشفى عشان احنا كلنا عيش وملح مع بعض روحنا المستشفى وقالوا مفيش حد بالاسم ده”.
ولفتت:"القصة اللي سمعتها ان أخوها ضربها ومكنش معايا رقمه وهو لو كان شايف إنه بيعمل حاجة صح لـ شيرين كان كلمني.. أنا اتصلت بشيرين مدبرة المنزل قالتلي إنها مسافرة ودي حاجة خلتني أشك أكتر وكان كل همي إن شيرين تكون تمام وإني أشوفها”.
وتابعت:" شيرين حساسة جدًا وقلبها زي البفتة البيضة والناس عارفة إنها متسرعة وخيرها على الكل أولها أخوها وهي شخصية حساسة جدًا".
