قال الفنان محمد الشرنوبي، إن لديه حكم بالسجن 4 سنوات على المنتجة سارة الطباخ، وإن موقفه القانوني سليم بعد انتهاء العقد بينه وبين المنتجة.
وذكر الشرنوبي في لقاء تلفزيوني: “أنا بقيت حر والطرف الثاني مش بيعمل غير شوشرة، وتصدير صورة معينة للإعلام بعد تزييف الحقيقة لإنه شاطر في هذا الأمر ودي شغلته”.
وأضاف محمد الشرنوبي، إن السبب وراء إلغاء حفله بدار الأوبرا المصرية، هو رسالة واتساب وصلت لجيهان مرسي مديرة مهرجان الموسيقى العربية من المنتجة سارة الطباخ.
وأوضح الشرنوبي في تصريحات تليفزيونية، أنه فوجئ عن طريق الجمهور أن تذاكر الحفلة تم سحبها من السوق، وتابع قائلا: “قالوا لي إن مديرة الشركة اللي كنت ماضي معاها بعتالهم رسالة واتساب بيان صحفي بيقول إني مش من حقي أشتغل في أي حتة ولا أعمل أي حفلات، أنا عرفت المعلومة دي من حد من الشئون القانونية في الأوبرا”، متسائلا باستغرب: "هي الشئون القانونية بتستند لرسالة على الواتساب؟!".
وأشار الشرنوبي الي أن موقفه القانوني سليم 100% بعد انتهاء العقد بينه وبين المنتجة سارة الطباخ بشكل نهائي حسب قرار المحكمة، مضيفا: "أنا عايز أقولهم إن أنتوا وقفتوا حفلة بدون وجه حق وامتنعتوا عن تنفيذ حكم المحكمة عشان إنتوا مش عايزين مشاكل وقلق من طرف هربان من العدالة".
