بكى محمد عبد الوهاب، أثناء الحديث عن أزمة شقيقته الفنانة شيرين، مؤكدًا أنها تتعرض لعصابة وأن طليقها الفنان حسام حبيب يحاول تدميرها.
وقال شقيق شيرين عبد الوهاب، في مداخلة هاتفية ببرنامج “الحكاية”، مع الإعلامي عمرو أديب: أختي بتتعرض لعصابة حاطين برنامج تجسس على الموبايل، وواحدة صاحبها جابتلها شيخة، والشيخة دي بتاخد آلافات، وأنا مش هسيب أختي غير لما أرجعها لـ “جمهورها” وأهلها، لازم تقفوا جنبنا، الولد ده عنده وسايط وبيهددنا، وياسر قنطوش رفع عليا قضية امبارح وأنا مدخل أختي المستشفى بقالي 3 أيام، فين نقابة المحامين يقولوا إنت مين قالك ترفع القضية دي؟ دي عصابة.
وأوضح أنه لم يضربها كما أُشيع خلال الساعات الماضية، معقبا: والله الحكاية معقدة، أنا دلوقتي أختي بتتعرض لعصابة حسام حبيب وسارة الطباخ، أختي بتضيع وبتنهار، أنا مضربتهاش ولا اعتديت عليها.
وتابع: "الأستاذ حسام حبيب رجع لشيرين من حوالي أسبوع، جابولها العربية بتوكيل وهي اتنازلت عن القواضي وهو متنازلش وضحكوا عليها، ورجعوا لبعض وبيتكلموا على الواتساب، وهي لسة مأجرة شقة في التجمع اللي جبتها منها، لأنهم بيتعاطوا مخدرات، والنيابة العامة بتحقق مع المستشفى اللي شيرين فيها وهما اللي فضحوها، أنا مضربتهاش، وموضوع المخدرات بقاله كتير، وماما هي اللي كانت بتخليني أسكت، وباست على رجلي وقالتلي انقذ أختك من حسام".
