قال الرئيس عبد الفتاح السيسي، خلال كلمته في الندوة التثقيفية الـ 36 للقوات المسلحة: "خلال الندوة سمعنا كلام كتير وفي كتير كررته مرة أو اتنين في ندوات مماثلة التكرار هدفه التأكيد معاني وموضوعات مش تكرار، عشان نسينا أو مخدناش بالنا إننا قلناه قبل كده"، موضحًا: "في بداية الندوة اتكلموا عن 1967 وقلت قبل كده مكنتش كبير أو صغير ولكني متذكر كل كلمة وحدث في الفترة دي أقولكم كل مقالة اتكتبت في الوقت دا.. آه كل بيان القيادة العامة للقوات المسلحة أصدرته في الوقت دا من أول 5 يونيو وحتى المدمرة إيلات وتدميرها وضرب الزيتية واشتباكات يومية على مدار شهور وسنين بالدم وبمستقبل وبمقدرات بلد كان لها أن تصمد وتقف على رجلها".
وأوضح: "الكلام دا بيتقال فقرة من فقرات في خطاب زي دا أو حتى من اللي بيسردوا وقائع حدثت في الوقت دا ولكن في فرق بين إنك تسمع فقرة أو تعيش واقع والأجيال في الوقت دا، خلاص بنتكلم عن أكتر من 50 سنة واللي عاصروا اللي بقوله والدولة كانت بتتألم إزاي وبتآسي إزاي كتير منهم مش موجود دلوقتي.. بقول الكلام دا ليه لأن الظروف اللي إحنا فيها نبقى عارفين إن التحديات والعدائيات موجودة ولن تنتهي من أي أمة وهي سنة من سنن ربنا في الكون".
وأكمل: "كورونا كانت إيه ما هي للعالم كله، ولكنها اختبار من اختبارات ربنا للوجود وحكمة منعرفهاش يمكن من اللي بيتعمل كتير، واللي قصدته بقوله لينا كلنا البلد دي عاشت 15 سنة من 1967 لحد 1982 .. ناس كتير بتتصور الموضوع خلص بحرب أكتوبر لأ.. بقول الكلام عشان المثقفين والمفكرين تتوقف أمام كل كلمة بقولها الموضوع مخلصش بحرب 1973، كانت الدولة في الـ15 سنة دي توقفت فيها كل مظاهر الحياة فيها ولكن لم يتوقف نموها كبشر ولا مطالبهم كشعب وبشر عايز يعيش ويتعلم ويشتغل لمدة 15 سنة".
