أكد خالد قمر لاعب فريق طلائع الجيش الحالي والاتحاد السكندري السابق، أن حسام حسن سبب رحيله عن زعيم الثغر.
قال خالد قمر في تصريحاته عبر برنامج الريمونتادا على قناة المحور: "الناس كلها كانوا عارفين السبب اللي أنا مشيت بسببه من الاتحاد، وكنت حابب أنهي مسيرتي في الاتحاد، لكن مع حسام حسن قعدت 4 شهور في البيت" .
أضاف: "جهاز حسام حسن بعت على جروب النادي إن في 5 أسماء وأنا من ضمنهم إني برا حساباتهم، وكلمت أستاذ محمد مصيلحي، رئيس النادي، قولتله أنا حاسس إن هيبقى في مشاكل لو كملت، وأنا مش بتاع مشاكل" .
وواصل: "حسام حسن عنده رؤية فنية بالنسبة لي وأحترم ده، حتى لما كنت في الزمالك ميدو جابني وفي الآخر حسام حسن معتمدش عليا خاصة في ماتش السوبر ضد الأهلي، والكابتن حسام حسن جه عليا في الزمالك" .
وختم حديثه قائلا: "أفضل فترة لي من وجهة نظري كانت في الاتحاد السكندري وأنا من الهدافين التاريخيين برصيد 27 هدفا".
