قال الرئيس عبد الفتاح السيسي: إن الأشقاء في دول الخليج دعموا مصر "لو مكانش الدعم ده موجود ولا الأموال دي موجودة.. مكنتش الدولة المصرية هتكمل.. الأشقاء وقفوا وقفة كبيرة مع مصر، لمدة أكثر من 18 شهر.. المشتقات كانت بتجيلنا من غير مقابل".
وأضاف السيسي خلال كلمته ضمن فعاليات تدشين الوحدات البحرية الجديدة لهيئة قناة السويس، نقلته فضائية “إكسترا نيوز”، اليوم الخميس: "أنا بقول الكلام ده علشان بعترف بفضل الدول علينا.. محدش يزعل.. تزعل ليه! .. ما هي لو كانت سابتنا مكناش هنلاقى وقود في محطات الوقود".
وتابع: "كان فيه طوابير على محطات الوقود لأن الدولة كانت غير قادرة.. الناس مش منتبهة إن إحنا كان عندنا أزمة كبيرة.. فمتقعدش تتخانق مع الحكومة ومؤسساتها وتدور حل لمشاكلها".
وعقب: "لو مكانتش دول الخليج زي السعودية، والإمارات، والكويت دعمونا مكناش هنوصل للي إحنا فيه ولا كان حد هيستحمل.. محتاجين نحييهم ونسقفلهم.. اللي ميعترفش باللي اتعمل معاه يبقى مش كويس".
