بعد غياب دام لسنوات عادت النجمة فريدة سيف النصر للظهور والأضواء مرة أخرى حيث تصدرت تريند جوجل خلال الساعات الماضية بسبب تصريحاتها الجريئة
وكتبت عبر حسابها الرسمي بموقع فيسبوك: "أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟ ليه نستخبى ورا شاشات وننزل نحر رقاب بعض".
وتابعت: "الكلمة القاسية بتذبح بقينا نكديين مانعرفش نفرق بين جد وهزار كله عايز يتخانق مع كله، إيه ده؟ وكل يوم يعاملوك بوش أو حسب المصلحة".
وأضافت: "في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفاية".
واستكملت: "مالكم في إيه بجد هما الناس دي ما أسعدتكم أعمالهم فترات من الزمن، طيب بلاش إنت مابتحبيش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت أربعتا شر مليون.. متخيلين".
وتابعت: "كل المهن شغالة معانا تحت إديهم كام عامل وأسطى كل واحد فيهم عنده أهل وزوجة وأطفال وفي اللي جوز ولادة وعندهم بيوت مفتوحة، بتحاربوا تمن عدد البلد في أكل عيشهم".
واختتمت حديثها قائلة: "أقروا كدة المسلسل ببكتب ناس قد إيه عماله في العمل شوفوا وقولولي، كفاية هدد في الفن، الوحش انقدوه بأدب والكؤيس شجعوه، إنما تهزئوا فنانين كبار ليه يعني، على فكرة أنا عارفة إنها لجان مستهدفة الفن المصري والفن عموما ما هو العربي بيصب هنا، هاه قرروا إيه، هانشتم من ورا الشاشة ولا هنقول كلام نصح حلو يا باشا"
