علقت الفنانة حلا شيحة على عدد من الأمور التي أثارت جدلا مؤخرا على صفحات الشوسيال والتي كان منها طريقة ارتدائها الحجاب وأمور أخرى تخص علاقتها بطليقها معز مسعود.
وكتبت حلا، على صفحتها بإنستجرام :" اي خبر اتكتب عن معز وعني يخص الطلاق صحيح وكلامي في البوست اللي فات كان كلام عام ولم اقصد بيه حد معين ابداً ومعز بعيد عن الكلام ده تماماً بالعكس هو سبب كبير لحاجات جميلة في حياتي وحياة أولادي ومشفتش كتير زي اخلاقه واحترامه وعيب الكلام اللي بيتقال عن صفحات السوشيال ميديا كله مش صح ابدا ، والله في مشاكل اكبر بكتير وحاجات اهم بكتير ممكن نتكلم فيها .. و انا علي صفحتي بحب اشارك جمهوري ساعات بمعاني بحسها و بحسهم زيي وبحب اتواصل معاهم و ابقي موجودة معاهم مش اكتر من كده".…
وتابعت حلا:" بالنسبة لحجابي انا قلت بحاول زيي زي بنات كتييير واكيد مش احسن حاجة بس انا كدة دلوقتي والحمد لله ، وانا مش شيخة انا انسانة عادية جداً ليا حسناتي و ليا سيئاتي والبشر كلهم كدة فبلاش حد يزايد علي حد وبدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة ، يلا انا مسامحة الكل معلش بشر بردو".
وكانت الفنانة حلا شيحة، قد شاركت متابعيها مؤخرا مجموعة صور تجمعها بأولادها وصديقاتها عبر إنستجرام، و كتبت عليها :"لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل و لحظات مع نفسنا بنتأمل فيها حياتنا كل ايامنا لحظات".
وأضافت حلا: "علشان كدة مفيش حاجة تستاهل الزعل و التفكير الزيادة وأجمل حاجة أن الواحد لما يتعب او يحس انه تايه او متلخبط لازم يبقي متأكد ان مشاعره بتقوله حاجات محتاج يعرفها او يفهمها او يفهم نفسه اكتر و نتعلم و مش عيب نقول غلطنا و مش عيب نصلح اخطاءنا بس اهم حاجة منكملش و نعاند نفسنا و نعاقب نفسنا ونحكم علي نفسنا بالفشل ، الفشل اننا نسيب نفسنا جوا نفس المشاكل ونستسلم".
