نشرت الفنانة حلا شيحة، صورة عبر صفحتها الشخصية على موقع “انستغرام” تجمعها وابنتها ترتديان الحجاب معلقة على الصورة بعبارة “مش عيب نصلح اخطاءنا”.
قالت شيحة: “لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وامل، لحظات مع نفسنا بنتأمل فيها حياتنا، كل أيامنا لحظة، علشان كدة مفيش حاجة تستاهل الزعل والتفكير الزيادة وأجمل حاجة إن الواحد لما يتعب أو يحس أنه تايه أو متلخبط لازم يبقي متأكد أن مشاعره بتقوله حاجات محتاج يعرفها أو يفهمها أو يفهم نفسه أكتر، مش عيب نقول غلطنا ومش عيب نصلح أخطاءنا بس أهم حاجة منكملش ونعاند نفسنا ونعاقب نفسنا ونحكم على نفسنا بالفشل، الفشل إننا نسيب نفسنا جوا نفس المشاكل ونستسلم”.
تفاعل عدد كبير من الجمهور مع الصورة التي نشرتها حلا معلقين بعبارات مختلفة، منها من دعم الفنانة وتمنى لها حياه سعيدة برفقة اسرتها، وآخرين دعوا الفنانة للرجوع الى الفن بعمل جديد، وآخرين طلبوا من حلا أن تعاود الالتزام بالحجاب الشرعي وأن ما نشرته ليس بحجاب.
