قدم الفنان محمد الشقنقيري اعتذارا إلى زوجته وأم أولاده منذ قليل عبر صفحته الرسمية على موقع التواصل الاجتماعى فيس بوك وذلك عقب ما أثير مؤخرا حول ادعاء الموديل الأردنية رحيل ذكري، زواجه منها.
ونشر محمد الشقنقيري، عبر حسابه الرسمى مجموعة من الصور تجمعه بزوجته، مُعلقًا :"بحبك …. و اسف من كل قلبي .. اسف علي اي تصرف ممكن يكون جرحك اثناء غيابك .. اسف علي دخولي في تفاهات خلال انفصالنا".
وتابع الشقنقيرى قائلا :" كان لازم اعمل لغيبتك الف حساب و كان لازم اقدر الامور احسن من كده .. حتي في طلاقنا اقحمتك في معاركي الخاصة و برضة كنتي سندي الوحيد زي ما طول عمرك سند و ضهر .. اسف عمري كله الي جاي ،، بس الي بينا اكبر بكتير من كل ده .. احنا بينا مش عشرة سنه و لا اتنين احنا بينا عشرة ٢٥ سنة ، بينا بيت و حياة و ولاد و عشرة عمر".
واختتم الشقنقيرى اعتذاره ورسالته لزوجته قائلا:"انت حب العمر كله ، انت الحب الوحيد في حياتي .. انا وعدتك و احنا بنرجع اني عمري ما هاجرحك في يوم من الايام و للاسف مافيش كام شهر و دخلتك في دوامة ملكيش ذنب فيها و في وقت حتي مكنتوش موجودة في بس برضة كان لازم اخد بالي كويس انا بعمل ايه و بتعامل مع مين و ازاي !!!! و برضة انت الوحيدة الي واقفة معايا مش عارف اقولك ايه و لا اعتذرك ازاي !!! بس انا حقيقي اسف و حقيقي عمري ما حبيت و لا هاحب ست غيرك .. "بحبك "
