كشف هشام الهواري، صاحب إحدى شركات المقاولات، تفاصيل العثور على لوحة آثرية مفقودة منذ نصف قرن، قائلًا: "إن اللوحة موجودة منذ أكتر من 20 سنة وكانت موجودة في مخزن الشركة وسط الخردة ولم يهتم بها أحد، وتم اكتشافها عندما كنا بصدد افتتاح كافيه وبحث عن الأشياء التي تنفع كديكور من وسط الخردة فكانت اللوحة من ضمنها، وأعجبني شكلها وعلقتها في الكافيه".
وقال "الهواري" في مداخلة هاتفية لبرنامج "صباح الخير يا مصر" على فضائية "مصر الأولى" اليوم الجمعة:"أحد الرواد اللي كنت بفرجهم على الكافيه شاف اللوحة وعجبته جدًا فقالي أنا هسأل عليها واشوف أصلها إيه وبتاعت مين فوافقت وقلتله مفيش. مشكلة"، موضحًا: "بعدها بشوية لاقيته جاي بيعرض أرقام كبيرة، بدءا من 1.5 مليون جنيه عشان يشتري اللوحة دي وده بصراحة خلاني أشك في الموضوع".
وتابع:"بدأت أعمل بحث عن اللوحة فاكتشفت إن وزارة الثقافة كانت منزلة منشور إنه ممنوع تداول لوحات عبد الهادي الجزار لأنها ملكية خاصة للدولة وعشان نحافظ على التراث"، مؤكدًا: "تواصلت مع محامي الشركة عندنا ومن خلال بحثه تواصلنا إن اللوحة اللي عندنا دي مسجلة وخاصة بوزارة الثقافة المصرية، وتواصل المحامي مع وزارة الثقافة والناس هناك مكنتش مصدقة إن ممكن نرجع حاجة زي دي بسهولة، واتعاملوا معانا بذوق وأخلاق عالية".
