أعرب الشاعر الكبير بهاء الدين محمد، عن استيائه مما صرحت به الفنانة شيرين عبد الوهاب خلال ردها على سؤال، وجهه لها إحدى متابعيها عبر حسابها الشخصي على موقع “انستجرام”، سألها فيه عن أكثر أعمالها التي ندمت عليها، حيث كانت إجابتها أغنية “ متجرحنيش” التي قدمتها في بدايتها الفنية عام ٢٠٠٣، وكانت من كلمات الشاعر بهاء الدين محمد.
حيث قام بالرد على ذلك الأمر عبر حسابه الشخصي على موقع “ فيس بوك ” قائلاً :" مش متعود أرد على أى حد.. ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة بدافع عنها !!!وح أتكلم بإختصار جدا".
وأضاف : “المشهد الأول.. أول يوم دخلت شيرين_عبدالوهاب مكتبى كانت مع الأستاذ نصر محروس اللى هو صاحب الفضل في تقديمها”.. وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!".
وتابع: "والمشهد الثانى: رشحتها تغنى كتير بنعشق ولولا موافقة نصر احتراما للعشرة اللى بنا ماكانتش ح تغنيها لأنها كانت موقوفه من النقابة".
واستطرد: “المشهد الثالث لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول ”.
وأكد: "المشهد الرابع والأخير : أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء وماتجرحنيش من أهم أعمالى ومن حقى أدافع عنها نتاج تهور اللى غنيتها".
وأختتم: “وكمان لأول مره ألاقى حد بيحارب نَفسه وبيغلط ف مبدعين إشتركوا ف صناعته !!!”.. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم".
