"لو حكينا نبتدي منين الحكاية".. هي البداية.. بداية الحلم فين واحنا نكمل.. إمتى آذان الفجر واحنا نستناه.. صعب جدا إنك تكون مركبي أحلام بين شط الأمل وشط الحقيقة.. المواهب على شط الأمل كتير ومركبك مش سفينة يدوبك يمكن تساع قلبك وروحك وقلبين وروحين تبقى الحمولة زيادة.. لكن ما بدهاش لازم نعافر واللي تقدر توصله لحلمه خير.
مروان كروان مش عارف يبدأ غنوته منين على أول درجة في السلم الموسيقي، نوته قلبه وحلمه لحنه بيغني شعبي يمكن.. ويدندن لأم كلثوم جايز.. خد جوايز لكنه لسه عايز يغني ويعلي صوته بالغنى.
لما يغني "كنا سبعة ويا بعض" تسألوا كنتوا فين؟ ومنين بتجيب الشجن في الغنا!.
طيب يا مروان
كل اللي أملكه لك قلم هكتب وجايز نلقى في الكلام سكتك، وحد يسمع غنوتك، وجايز نلاقي حد يتبنى موهبتك ويطورك ويوجهك وينجحك.. وجايز يعلمك حد الطرب والشجن يبقى نغم.
كتير يا مروان بلابل على الدوح طراحة غصونا والثمر مواويل لكن الفرصة قدر..ويارب تلاقيها ونكون سبب.
مروان محمد بحيري ابن الـ١٤ عاما، خامة صوت حلوة وأداء والسكة بين قريته العمار القليوبية وحلمه طويلة محتاج روح توصله وقلب يسمعه.. محتاج لفرحة حرف.
جايز جمهور يكبر وفي يوم نحرك المؤشر نسمع صوت المذيع بيقول ما يطلبه المستمعون ويغني مروان ويغني.. يغني للفجر.. يغني للحلم.. يغني لبكرة.. يغني لمصر.
على صوتك يا مروان بالغنى
لسة الاغانى ممكنة
اولسة ياما ياما ياما
ياما فى عمرنا
على صوتك بالغنى
لسة الاغانى ممكنة ممكنة
ولو ف يوم راح تنكسر
لازم تقوم واقف
كما النخل باصص للسما للسما
ولا انهزام ولا انكسار ولا خوف ولا
ولا حلم نابت ف الخلا ف الخلا
غنوتك وسط الجموع
تهز قلب الليل فرح
تداوى جرح اللى انجرج
ترقص ارقص
غصب عنى ارقص
غصب عنى
غصب عنى ارقص
ينشبك حلمك بحلمى
غصب عنى ارقص
ولا انكسار ولا انهزام ولا خوف ولا
ولا حلم نابت ف الخلا ف
