علقت الطفلة ريما مصطفى، على ظهورها الخاص في مسلسل الكبير أوي الجزء السادس، قائلة: "أنا في الحقيقة مش متنمرة بس الدور عايز كده"، مشيرة إلى أنه تم ترشيحها للدور من قبل المخرج أحمد الجندي.
وأضاف قائلة: "اشتغلت معاه في ماما دوت أم .. وكنت مبسوطة أوي مع الفنان أحمد مكي ".
وقالت "ريما" في حوارها عبر تطبيق "زووم" لبرنامج "صباح الخير يا مصر" على فضائية " مصر الأولى": إنها كانت تتواجد في مكان التصوير قبل التصوير لمراجعة المشهد وحفظه، قائلة: "أهلي كانوا مبسوطين مني أوي بعد دوري في المسلسل .. وصحابي كلموني وصقفولي".
وتابعت: "بابا ممثل في المسرح ولما كنت بتفرج عليه وأنا صغيرة كنت بروح أخد صحابي ونمثل إحنا كمان .. وهو شاف إن أنا بحب كده وخلاني أمثل"، موضحة: "نفسي في الفترة الجاية أكمل تمثيل و ابقى شاطرة كده بردو .. بس يعني لسه لما أكبر هقرر ونفسي أمثل مع تامر حسني ".
وأردفت "ريما" : "كنت همثل مع الأستاذ أكرم حسني بس محصلش نصيب".
