أكد الكابتن عبد الستار صبري، لاعب المنتخب الوطني السابق، أنه كان سيحترف في ريال مدريد الإسباني خلال فترة احترافه في أوروبا ولكن تعرض لبعض المشاكل مع مدربه بنادي بنفيكا البرتغالي، قائلا: "لو كنت بلعب دلوقتي كان زماني محترف في ريال مدريد عشان كنت هروح فعلا ولكن حصل مشكلة ليا فى بنفيكا".
وأوضح عبد الستار صبري، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أن مدربه ترك الفرقة وقتها ثم جاء موريني وحصلت مشكلة تسببت في تذبذب أدائه، مضيفا: "أسعار اللاعبين حاليا مبالغ فيها جدا، ولو كنت بلعب دلوقتي ممكن أخذ 100 مليون فى السنة، والكرة حاليا اختلفت وبقى فيها السرعة والقوة أهم حاجة".
وعن الانتماء للأندية رد قائلا: "مبقاش في انتماء لنادي معين والمهم الفلوس والجمهور بيصعب عليا عشان بيقاتل من أجل نادييه ولكن مش مستفاد حاجة، واللاعب هو المستفيد كل حاجة وأعلى أجر أخذته بره كان 500 ألف دولار في السنة".
