قالت الفنانة دينا الشربيني، إن فيلم "أصحاب ولا أعز" أعجبها للغاية كما أنها ترفض فكرة التجريح التي تعرضت لها النجمة منى زكى.
وأضافت الشربيني، خلال حوارها ببرنامج "حبر سري"، على قناة "القاهرة والناس": "أنا هقبل النقد من ناقد دارس ودي مهنته ووقتها على عيني ورأسي وهتعلم منه، وهشوف حاجة ممكن مش شيفاها إنما فكرة التجريح مرفوضة".
وتابعت:"مش من حق حد يجرح في حد، الفيلم عجبني ونفسي الناس تحب بعض والغلط والصح له معايير مختلفة وياريت نخلي الكلمة متجرحش حد".
وعن موقفها من أدواء الاغراء والأدوار الجريئة، ردت: "مش بحب أضايق حد ولكن فى حاجة نفسي الناس تفهمها الممثل بيمثل شخصية مش هو، ولو فى دور بيتمثل حاجات موجودة في الحياة، والناس دائما بتربط بين اللي بيحصل فى الشاشة والحقيقة، وفى حاجات جت لي ممكن تكون جريئة بالنسبة لي ورفضتها".
