قال الفنان سليمان عيد، إن بدايتي كانت في مسرح كلية تجارة جامعة القاهرة، وعملت مسرحية في الجامعة اسمها "جمهورية فرحات" تأليف دكتور يوسف إدريس، وإخراج زميل ليا اسمه وائل زكريا، وفي ثانية جامعة عملت مسرحية "أيضا كلام فارغ" مع الأستاذ شاكر خضير، جاء ذلك خلال حواره لبرنامج ع اللوكيشن مع شريف الليثي على راديو هيتس.
وأضاف، " شاكر خضير " طلب مني اروحله مسرح "باب اللوق" علشان يستفيد من الإفيهات بتاعتي، ومكنتش مصدق إني هشوف سمير غانم، وشاكر خضير من أكتر الناس اللي دعمتني وخلاني أشوف سمير غانم، وبحس إن الضحك الإفيهات علاج للناس".
وتابع: "عملت أكثر من ٩٨ فيلم، و٢٥٠ مسلسل، و١١٥ مسرحية، أما أول نقطة تحول في حياتي كان فيلم "جاءنا البيان التالي"، والنقلة التانية في حياتي كانت في فيلم "عسكر في المعسكر"، وعملت ٤٠ مشهد في فيلم "جواز بقرار جمهوري".
وبالنسبة لأول فرصة في حياتي كانت في فيلم "الطريق إلي إيلات" وضحيت بمسرحية "جوز ولوز" علشان الفيلم وفي النهاية دوري اتشال.
واختتم قائلا: “مبنساش أيام المعهد كنت ساكن مع علاء مرسي، وكان بيدفع ١٠ جنيهات وأنا ٧ جنيهات وكنا مبسوطين جدًا”.
