قال الماكيير أحمد مصطفى، ماكيير مسلسل الاختيار 3، إنه بدأ شغل ماكياج في الإعدادية مع خاله الماكيير الشهير أحمد مرتضى وأحب الموضوع جدا، وتعامل مع الماكيير محمد يوسف وكانوا يعملوا معا بنظرة العين وشعرا بارتياح كبير في التعامل مع بعضهم البعض، وجاء ذلك خلال حواره لبرنامج “حالو معانا” الذي يذاع علي “نغم اف ام” والبرنامج من تقديم الإعلامي كمال ماضي.
وأضاف مصطفى قائلًا: “أهم حاجه للماكيير إن عينه تصدق اللي بيشوفه، ولو أنا كماكيير عملت شغلي كويس جدا والممثل غير قدير شغلي مش هيبان، وأحب أشكر المخرج دكتور بيتر ميمي على ثقته في التعامل معي”.
وعن تحدي الشخصيات في الاختيار 3، فكان بسبب المرحلة اللي كانت في 2012 لـ2013؛ لأن فيه ناس شكلها اتغير والمشاهد هيقارن وكان لازم نذاكر كويس وبدأنا نجيب صور وفيديوهات للشخصيات، وبدأت أكتب الخطوات اللي هعملها لكل شخصية، والتحدي كان أكبر بالنسبة لي وهو طلب دكتور بيتر ميمي إنه مش عاوز مكياج أوفر ويكون بسيط، فقط روح الشخصية وعلى الممثل الأداء مع اللبس فكل حاجة تكمل بعض.
ووجه الشكر للنجم الكبير ياسر جلال إنه أبدى استعداد كبير لحلاقة الجبهة الأمامية والذقن في سبيل إن الشخصية تطلع صح ودي وفرت وقت وجهد كبير لينا وليه، وياسر جلال كان بيحاول يمرن عضلات وجهه وهو بيعمل الميك اب فبتظهر خطوط من خلال ريأكشانات وشه وده ساعدنا جدا في تنفيذ الألوان على كل تفاصيل الوجه.
أما عن رد فعل الفنان ياسر جلال بعد ما شاف شكله "اخدنا بالحضن أنا و الكوافير"، ومن أهم مميزاته كفنان أنه عاش الشخصية ومش بيقلدها.
وعن عبقرية خالد الصاوي، فقال: “كانت متمثلة في طريقته وأداؤه فعمل للشخصية كيان وقربها للمشاهد، وحاليا بنغزل الذقن بدل من إننا نجيبها قطعة واحدة وده بيريح الممثل جدا في اداؤه وتعبيراته”.
واختتم قائلا: “إحنا بلد كبيرة ومن أقدم الدول في صناعة السينما في العالم”.
