قال الفنان حاتم صلاح (نفادي في مسلسل الكبير اوى6): "كنت أعرف أستاذ احمد مكي وعملت معاه مسرحية "حزلقوم" واللي تم عرضها في السعودية ولما جينا نعرض في مصر حصلت الكورونا، وكاست حزلقوم كله عمل اوديشن واتوزعت الادوار على مسلسل الكبير اوي".
وقال صلاح خلال مداخلة هاتفية لبرنامج اللمة تحلى على شعبي اف ام والحلقة من تقديم رشدي سيد: “ كنت عارف إن الناس مستنية الكبير اوي، لكن مكنتش عارف انا شخصيا هعمل ايه، و الكواليس كانت لطيفة والكرو بيضحك طول الوقت”.
وعن علاقته بمكي قال: “عبارة عن ميمز على واتساب، كل ما أشوف حاجة بتضحك ابعتهاله وهو يبعتلي، و كنت بحاول أحافظ ومنطقش صعيدي في مسلسل فاتن امل حربي.. بعد تأثري بلهجة نفادي”..
وعن شخصية نفادي قال: “خليت الشخصية مختلفة خصوصا أنه عامل نفسه بيفهم وهو غلبان اوي”.
وعن مسلسل لايف شو قال: “فكرته جات من سنتين وقت الكورونا والحظر.. وابتدت تطور لغاية لما صورناه.. واتعرض على يوتيوب في 14 حلقة”.
