قالت المطربة مي فاروق إنها تحرص على ان اقتناء فانوس رمضان في الشهر الكريم وأن يكون مضيئاً طوال الوقت في المنزل ، كما تحرص على تحضير الفطور والسحور يومياً .
جاء ذلك خلال مداخلة هاتفية لبرنامج رمضان ويانا علي إذاعة نغم إف إم.
و أضافت قائلة : " في ناس ممكن تطلع أوحش ما فيك، والشخصية المتنمرة بتكون شخص مش سوي أو من جواها ملخبطة، و الأغاني اللي بعملها حاليا تجارية.. وبمجرد إنها اتسمعت ده في حد ذاته نجاح.
وتابعت قائلة : “مفيش فرصة إني أعمل ألبوم كامل، و الشركات اللي عديت عليها ما كانش حد هينتج لي ألبوم ، و أنا بعمل اللي عليا، ولما ربنا يريد حاجة تحصل بتحصل، و أجيال من سن أولادي، قالولي بنحب نسمع أم كلثوم منك.” .
واستطردت مي قائلة : “أحمد عدوية مطرب شعبي، وصوت متميز، وبيقدم غناء شعبي محترم، ولكن اللون الموجود الحالي مش غناء شعبي ومش غناء، والمهرجانات لون جديد وله قاعدة عريضة جدا، والأجيال الصغيرة رايحة للنوع ده ودة نجاح، ولكن رأيي الشخصي هما لا بيقدموا غناء ولا فن، وأنا بعتبره لون أو فكرة جديدة، و مقدرش أقول عليهم مطربين شعبيين.” .
و اختتمت قائلة : “عملت من ٣ سنين عملية تكميم معدة، وأنا شخص مش بحب الرياضة.. كنت خايفة من العملية جدا، وعملت العملية.. والمعدة بقت تستحمل مساحة محددة.. أنا مبسوطة بنفسي في الوقت”.
