تحدث المنتج حسن أحمد الإبراشي ابن شقيق الإعلامي الراحل وائل الإبراشي خلال لقاءه ببرنامج “عيلتي وأفتخر” علي شعبي اف ام مع الاعلامي حازم قبيل عن ذكرياته مع عمه وعن ذكريات العائلة معه.
وقال: "عمي الإعلامي وائل الإبراشي رحمة الله عليه.. كان محبا لكل اللي حواليه وللهزار.. وكانت كلمته دايما “إنت فين يا فنان؟”.
و أضاف: "إحنا من شربين..منصورة دقهلية من ميدان المحطة... وإحنا عائلة معروفة جدا هناك، ووالدي الله يرحمه كان عنده مكتبة عظيمة جدا، وأستاذ وائل كان يحب القراءة جدا وأعتقد أن الفضل يرجع لوالدي؛ لأنه الأكبر وعمي وائل الأصغر سنا.. وأرجح أن هذا السبب وراء حبه للصحافة.
وتابع الأسرة عندنا دايما كانت مترابطة وكويسين مع بعض، وكلهم يد واحدة، وكان عمي رحمة الله عليه بينزل البلد، وإحنا كمان كنا بنتقابل هنا في القاهرة أو في شربين.
واختتم قائلا العيلة كانت مشجعة له لما شق طريقه.. حاول في البداية في المحاسبة ثم حلم إنه يسافر برة، لكن ربنا كان شايل له شغله في الصحافة، والصحافة والتلفزيون مش حاجتين بعيدين عن بعض، وعمي كان مشهورا في الصحافة والإعداد قبل التقديم، وعيلتنا مشهورة بالكرم وإنهم ناس طيبين جدا، والمنصورة بلدي وأفتخر، ربنا يبارك في عيلتي ويكتب لنا المحبة والرزق، ورمضان كريم علينا كلنا.
