أعرب الفنان حاتم صلاح صاحب شخصية “نفادي” صديق الكبير في مسلسل “الكبير أوي” الذي يعرض حالياً عن سعادته البالغة بالمشاركة في هذا العمل ، مشيراً إلي أنه كان يتابع الأجزاء السابقة من المسلسل ، ولم يصدق مطلقاً أن يأتي اليوم الذي يقف معهم ويشاركهم بطولة هذا العمل .
نشر حاتم تدوينة مطولة عبر صفحته بموقع التواصل الاجتماعي “فيس بوك” ، قال فيها : “الكبير اوى ٦ ...بقعد اتفرج عليها لحد قبل رمضان بتفرج على الخمس أجزاء ومش بصدق انى هايجى رمضان واقف وسط الممثلين العظام دول كوميديانات مصر اللى كتبوا تاريخ الكوميديا .”.
وتابع قائلاً : “اولا فضل ونعمة من ربنا كبير انا والله ماليا يد فيه بدون حول منى ولا قوة لو فى حد حب المسلسل اولا وحب شخصيه نفادى ثانيا بشكر كل الناس اللى فرحتلى كانى واحد من عيلتهم وبشكر اصحابى فرقة١٩٨٠ وانت طالع وكنا بنسهر ع القهوة بالساعات عشان نروح نقول ايفيه وبشكر الاستاذ احمد الجندى اللى خلانى اقول كل كل اللى فى نفسى ويزودلى عليه واى ممثل كوميدى حظه وحش لو مابيشتغلش معاه وبشكر كل فريق الاخراج استاذ محمد خيرى اللى كان معايا من اول اوديشن لحد النهاردة واصحابى واخواتى كل كرو الاخراج حسنى واحمد ونور ومحمد بيومى ومحمد علاءوصالح وحسين وعم حسن قناوى مصحح اللهجة انا كنت بحس انى سعيد اول مادخل اللوكيشن وكل فريق الانتاج بقيادة الاستاذ شادى علام وحاتم سعيد واستاذ عمرو عاصم مونتير المسلسل اللىكلمنى مكالمة انا مش هنساها طول حياتى .” ز
واستطرد قائلاً : “حقيقى انا كنت مستريح قوى وحاولت اطلع كل اللى عندى يارب يكمل نجاح المسلسل على خير ونكون قدرنا وبنقدر نرسم الضحكه على وشوش الناس اللى بتتفرج استاذ احمد مكى الكبير اوى فى كل حاجة مهما قلت والله ماعارف اعبر ولا اطلع ربع اللى جوايا تجاه الناس دى وماينفعش اتكلم عن كل الناس الحلوة وماتكلمش عن اخويا وصاحبى الفنان الكبير استاذ احمد امين اللى قدمنى للناس هو واستاذ علاء اسماعيل فى برنامج امين وشركاه ووقف جنبى ولحد يومنا هذا جمايله مغرقانى كانى واحد من عيلته وفرقتى فرقه ١٩٨٠ وانت طالع وجمهور ١٩٨٠ وانت طالع ..انا مش عارف اتكلم وملغبط بس بحبكوااا اوى ..اللهم ديمها نعمة” .
يشار إلي أن مسلسل “الكبير أوي” تاليف مصطفى صقر وإخراج أحمد الجندي وبطولة أحمد مكي ورحمة أحمد وبيومي فؤاد وهشام اسماعيل ومحمد سلام وعدد كبير من النجوم .
