تعجب الفنان محمد عطية، من لجوء بعض المنتجين والفنانين لشراء التريند، حتى يتم تصدير صورة أن العمل ناجح.
وقال محمد عبر حسابه على موقع التواصل الاجتماعي "فيس بوك": "الحقيقة يا جماعة أنا مستغرب جدا من الفنان أو المنتج اللي بيدفع فلوس عشان يطلع تريند ويكتب ده عنده.. أنت بتضحك على مين؟؟؟ هل الناس لو أنت عامل عمل فني سيئ لما تكتب كده هيحبوه مثلا؟؟؟ التريند مش محتاج يكتب إنه تريند".
وتابع "عطية": "أنا مثلا ما اتفرجتش على مسلسل نيللي كريم لكن عرفت عن طريق تجاوب وتفاعل الناس معاه أنها مسلطة الضوء على قضايا مهمة تخص المرأة.. حلقة الكبير إمبارح ماكنتش لسه اتفرجت عليها وكل الناس كانت بتتكلم عن دخلة الكبير والضحك اللي فيها.. فأنا رأيي إن المنتجين يوفروا فلوسهم بدل ما يشتروا التريند لأن الناس مش هبلة وحقيقي الموضوع بوخ وفقد مصداقيته، العمل الفني اللي الناس هتحبه هنتكلم عنه لوحدها ولكم في مكي و نيللي كريم عبرة".
مسلسل "الكبير أوى" من بطولة أحمد مكي، رحمة أحمد، محمد سلام، بيومي فؤاد، هشام إسماعيل، سما إبراهيم، محمد أوتاكا، ليلى عز العرب، مصطفى غريب، حسن القناوى، علاء زينهم، حسين أبو حجاج وضيوف الشرف ماجد الكدوانى، حمدى الميرغنى، نرمين الفقى، وأسماء جلال، وسليمان عيد وآخرين وتأليف مصطفى صقر إخراج أحمد الجندي.
مسلسل "فاتن أمل حربي" للفنانة نيللي كريم، تأليف إبراهيم عيسي، إخراج محمد العدل، يتحدث عن معاناة المرأة المصرية بعد الطلاق، ويثير عدة مسائل في الأحوال الشخصية تمس جموع كبيرة من المواطنين.
