تنظر محكمة جنايات القاهرة المنعقدة بالتجمع الخامس اليوم الثلاثاء برئاسة المستشار محمد أحمد الجندي، إعادة محاكمته حنين حسام المعروفة إعلاميا بـ"فتاة التيك توك"، بتهمة الاتجار فى البشر.
يذكر أن المحكمة كانت قضت بمعاقبة حنين حسام بالسجن المشدد 10 سنوات غيابيا.
وتم ترحيل حنين حسام المعروفة إعلاميا بـ"فتاة التيك توك" إلى سجن القناطر لتنفيذ الحكم عليها 10 سنوات بعد انتهاء الإجراءات القانونية اللازمة وامضاء نموذج الحبس من محكمة شمال القاهرة المنعقدة بالعباسية.
تمكنت الأجهزة الأمنية من القبض على حنين حسام "فتاة التيك توك" تنفيذا للحكم التي قضت به المحكمة بمعاقبتها بالسجن المشدد 10 سنوات وتغريمها 200 ألف جنيه، وذلك بعد ظهورها في فيديو جديد خلال الساعات الماضية.
وكانت قد انفردت "البوابة نيوز" بنشر نص التحقيقات مع كل من حنين حسام ومودة الأدهم في وقت سابق، حيث مثلت أمام النيابة، الطالبة، حنين حسام عبد القادر محمد عبد الجليل، 20 سنة، طالبة بكلية الآثار جامعة القاهرة، وتقيم في 4 أ ش المقسي، منطقة الساحل، بمحافظة القاهرة، ووجهت النيابة أسئلتها للمتهمة على النحو التالي:
* ما قولك فيما هو منسوب إليكي من إنك متهمة بالإعلان عن طريق حسابات على شبكة المعلومات دعوة تتضمن لفت الانظار إلى الدعارة على النحو المبين بالتحقيقات ؟
- الكلام دا محصلش.
* ما قولك فيم هو منسوب إليكي من إنك متهمة بالاعتداء على المبادئ والقيم الأسرية في المجتمع المصري بأن قمتي بإنشاء حسابات على شبكة المعلومات تتضمن الدعوة لعقد لقاءات مخلة بالاداب بين مشتركي تلك الحسابات ؟
- الكلام دا محصلش.
* ما قولك فيما هو منسوب إليكي من إنك متهمة بإنشاء وإدارة واستخدام حساب خاص على شبكة المعلومات يهدف إلى إرتكاب الجريمة موضوع الاتهامات السابقة ؟
- الكلام دا محصلش.
* ما الذي حدث إذا وما هي أوجه دفاعك ودفوعك ؟
- بداية الموضوع ان شركة "لايكي" أنا بشتغل معاها بقالي سنتين وفي بينا عقد إلكتروني مضمونه ان الشركة تطلب مني فيه ان انا اعمل عشرين فيديو في الشهر واشيره على تطبيق لايكي والفيديوهات بتبقي عبارة عن ان انا بغني على الاغنية عادي وبرفق الهاشتاج الخاص بلايكي في مقابل اني باخد 400 دولار وانا فعلا ملتزمة معاهم بكده بقالي سنتين باخد المبلغ ده ممكن يقل ممكن يكتر على حسب اختيارهم للفيديوهات وبعد كده طلب مني كلا من/ محمد علاء ومحمد زكي في 26/3/2020 وهما شغالين في شركة لايكي والقائمين على إدارة اني أعمل اعلان على الاستوري على الانستجرام بتاعي أنزل فيه فيديو وأقول فيه اللي هما قالولي عليه بالظبط اني هما كانوا عايزين مجموعة من البنات عشان يشتغلوا مذيعات في شركة لايكي وانا في الفيديو ده كنت بتكلم على مضمونة في قمة الأدب والاستوري دا أصلا بتقعد على الحساب بتاعي لمدة 24 ساعة وبتختفي بس بتفضل في الأرشيف عندي وفي ناس كثيرة عندي عشان انا عندي متابعين كتير اقتصوا أجزاء من الفيديو وغير مكتملة واتفسرت بمحتوى وحش خارج عن الاداب ومش دا اللي انا قولته لو اتسمع كل الفيديو وانا فوجئت انه تم نشر ذلك المقطع وبخصوص الموضوع انا كنت بقول في الفيديو اني محتاجة بنات أكبر من 18 سنة عشان يكون معاها بطاقتها وتتوثق في الشغل في شركة لايكي وينزل لها الفلوس عن طريق حسابها في البنك لو ليها حساب أو البطاقة بتاعتها عن طريق البريد لو ملهاش حساب في البنك وانا مجرد بس اعمل الاعلان بس هي اللي كلفتني بيه شركة لايكي وميخصنيش حاجة تانية خالص بس أنا فاهمة الاجراءات اللي بيعملوها بعد كده بس انا دوري يقتصر على الاعلان بس والاجراءات ان البنت اللي عايزة تخش على لايكي تفتح لايف في ساعة ادارة لايكي هي اللي بتحددها عشان الادارة هي اللي بتشوف وفي اللايف البنت بتقدم نفسها وبتعرفهم على موهبتها سواء بتغني او بتطبخ او بترسم او متحاورة وفي اخر ساعة اللايف الادارة بتقولها اتقبلتي او اترفضتي ولو قبلت بتاخد البطاقة والاي دي بتاعها عشان تفعلها بعد كده بيدخلوها في جروب انا مش فيه يقولولهم فيه ادارة لايكي البنات اللي قبلت المفروض تعمل ايه هو اللي نفس كنت بشرحه في الاستوري.
* ما هي طبيعة واختصاصات شركة لايكي واين مقرها تحديدا ؟
- هي مقرها في الصين وهي شركة مختصة في الفيديوهات القصيرة بتخلي المشاهير تعملها مقابل مادي.
* ما هي كيفية تحرير العقد الالكتروني بينك وبين شركة لايكي ؟
- هي مديرة شركة لايكي اسمها مارجن وهي صينية الجنسية تواصلت معايا على الانستجرام ودخلتني في جروب اسمه لايكي وبعتت لي العقد الالكتروني على ايميل الجروب مكتوب وناقص بس على الامضاء.
* هل تستطيعي الحصول على صورة من ذلك العقد اذا تم الدخول على حسابك على تطبيق الانستجرام ؟
- هو ايميل على حساب الانستجرام اللي كان موجود عليه صورة العقد الالكتروني اتسرق من سنتين.
* وهل قمت بتحرير محضر ؟
- ايوه بس مش فاكرة رقمه في مباحث الانترنت وكنت متهمة فيه شادي أيمن صبري عبد النبي وده كان مجرد هاكر سرق الايميل بتاعي على الحساب ومليش أي علاقة بيه.
* وما الذي آل اليه ذلك المحضر ؟
- هو اتحفظ عشان اتصالحت فيه عشان هو لما سرق الايميل بتاعي بعت لي تهديد عشان عاوز فلوس واديته 5 الاف جنيه على حساب البنك بتاعه.
* وما الذي دعاك للتصالح ؟
- هم جم اهله واتحايلوا عليا وانا اتنازلت بعد ما اخدت منهم الفلوس.
* مطلوب منك تقديم صورة من العقد الالكتروني بينك وبين شركة لايكي
- انا هتواصل معاهم وهحاول اجيبه
* ومن أطراف ذلك العقد ؟
- شركة لايكي وكان بيمثلها مارجن وانا
* وما المنفعة التي تكود على الشركة جراء ذلك ؟
- انا لما انزل فيديوهات على تطبيق لايكي ونسبة المشاهدة بتزيد يساعد على شهرتهم وبالتالي هم بيستفيدوا من شهرتهم دي بس هم أكيد بيستفيدوا فلوس.
* وما مضمون الفيديوهات التي تقومي بنشرها ؟
- هي الفيديوهات اني بغني على اغنية او فيديوهات كوميدية او تمثيلية وبيكون مدتها من 15
س. وما سبب تحويلهم تلك المبلغ
ج. عشان انا باعمل لهم فيديوهات خاصه
