استجاب الرئيس عبد الفتاح السيسي، لطلب السيدة محروسة سالم، صاحبة الـ 42 عامًا، من ذوي الاحتياجات الخاصة، والتي تعمل على تروسيكل، وطلبت أن تسمع صوت الرئيس وتُسلم عليه.
وقال الرئيس السيسي، خلال مداخلة هاتفية في برنامج "من مصر"، الذي يقدمه الإعلامي عمرو خليل، على قناة "سي بي سي "، :"أنا يشرفنى إنى أكلمك، خلينى أقولك ربنا يخليكى ويوفقك وفى جهدك، واسمحيلى أقف جنبك وأقولك، والله الست المصرية دايما مثل عالى وراقى وأنا بتشرف إنى بكلمك دلوقتى والله".
وعرض برنامج من مصر تقريرا عن الست محروسة تحت عنوان "الحياة للمكفوفين.. محروسة تتحدى الإعاقة وتعول أبناءها وزوجها المريض بقيادة التروسيكل".
وقالت خلال التقرير:" الحمد لله أنا راضية باللى ربنا قسمهولى، أنا عندى ولد أكبر منى بـ17 سنة اللى هو زوجى مشاكله الصحية صعبة شوية، وبضحك على أى أم مش متحملة شقاوة ابنها وبقولها تعالى شوف الابن الكبير ده عنده زهايمر وضغط وسكر وجلطة في المخ وشيخوخة مبكرة".
