قال السفير أسامة توفيق بدر، سفير مصر الأسبق في أوكرانيا، في حوار خاص لـ "البوابة نيوز"، إن روسيا كانت تحاصر المدن الأوكرانية و تسيبها تقع لوحدها و بعد ما بدأت دول الناتو تهرب سلاح لاوكرانيا بدأت روسيا تلاقي السلاح بتاعها بيضرب دباباتها لأنهم دخلوا لأوكرانيا أسلحة روسية مش أمريكية وهنا بوتين عدل سياسته لسياسة الأرض المحروقة ومبقاش عنده صبر أكتر لأن المدة طولت فبدأ ينسف".
وأوضح بدر، أن بوتين في كل الأحوال حريص جدا لان في مدن بها ٣٠٪ و ٤٠٪ روس فا هو مش هيدمر دول ودول ولكن لو زنقت معاه اوي هيعمل كده والآن هو عامل أماكن للعبور الآمن ففي صراع في مسألة العبور الآمن دي حتي في مشادة حصلت بين بايدن وبوتين بخصوص الموضوع ده؛ الأوكرانيين عايزين يطلعوا الأوكرانيين الغربيين ويسيبوا الأوكرانيين الروس ويبقوا رهينة في إيد الميليشيات القومية الغربية الأوكرانية فا عاملين العبور الآمن يطلع إلى الأراضي الأوكرانية أو الغرب هو عايز يعمل طريقتين معابر جزء يعدي علي أوكرانيا و جزء يعدي علي روسيا وبيلا روسيا الناس بتاعته هما رافضين يطلعوهم علي الممرات دي و بوتين أيضا عايز يراقب مين اللي طالع أو خارج لآن في ناس عنده اعتبرها مجرمة".
وتابع: : هو مش عايز يحصل زي ما حصل علي سبيل المثال في فيلم عادل امام الإرهاب والكباب ويطلع حد في وسط الناس هو مش عايزه يعدي فا ماكرون رئيس فرنسا قاله لا متعديش من عندك متعملش مخرج من عندك هو كان عايز يعدي الناس علي بيلا روسيا "روسيا البيضاء" و بعدين يعدوا علي أوكرانيا واتفقوا الآن أنه ممكن عادي أوكرانيين روس وأوكرانيين غرب يطلعوا فا النهاردة طلع جزء كبير من الأوكرانيين الروس اللي كانوا رهينة من مدينة ماريوبول".
