قال السفير أسامة توفيق بدر، سفير مصر الأسبق في أوكرانيا، في حوار خاص لـ"البوابة نيوز"، إن شبه جزيرة القرم تقع في أوكرانيا ولكن بها كل الأسلحة الروسية الاستراتيجية الفتاكة النووية اللي موجودة في ميناء سيفاستوبل في شبه جزيرة القرم ودي أخطر حاجة في كل أوكرانيا في البحر الأسود في الجنوب.
وتابع بدر: “ في عام ١٩٩١ في الاستقلال، روسيا قالت معلش بقي آه هي بتاعتكم لكن انا هأجرها منكم بفلوس بإيجار شهري رمزي فأجروها منهم وبيدفعولهم مبلغ كل سنة مقابل المنطقة دي والموانئ بتاعتها اللي هي سيفاستوبل، وأنا رحت زرت سيفاستوبل فيها كل غواصتهم النووية الروسية داخل جبال مشقوقة بتدخل داخل الجبال دي تختبئ فيها”.
وأوضح بدر، أنه كان الايجار مقابل سعر رمزي سنوي و كمان مقابل تصدير الغاز لاوكرانيا من روسيا بسعر رخيص وهما معندهمش غاز في أوكرانيا فا بياخدوا من الغاز الروسي اللي بيمر لاوروبا والغاز ده اللي هو بتاخد منه المانيا و كل أوروبا فا كانت أوكرانيا بتاخد الغاز بسعر اقل من كل بلاد أوروبا مقابل انهم يسيبوا لروسيا استخدام ميناء سيفاستوبل و ظل هذا الوضع منذ سنة ١٩٩١ إلى سنة ٢٠١٤ بدون أي مشكلات.
