استعرض اللواء إيهاب الفار، رئيس الهيئة الهندسية للقوات المسلحة، جهود الهيئة في تطوير الطريق الدائري الأوسطي، في ظل وجود تعارضات أثناء تنفيذ كوبري عزبة الوالدة، قائلًا: "الطريق به 2 محطة كهرباء، كان في معركة كبيرة جدا مع الكهرباء وبصراحة الدكتور شاكر (الوزير) كان متزعمها".
ورد الرئيس عبدالفتاح السيسي ممازحًا اللواء إيهاب الفار، قائلًا: "الدكتور شاكر كان هو اللي متزعم المعركة يعني؟!"، موجهًا حديثه لوزير الكهرباء قائلًا: "يا دكتور شاكر مش ممكن والله اللي أنت بتعمله فينا"، ليقاطعه اللواء إيهاب الفار، قائلًا: "الدكتور شاكر انتصر في معركته على المشاكل اللي عندنا".
وتابع: "الكهرباء مكناش بنقدر نشتغل أكتر من 6 ساعات، وبالتنسيق مع الدكتور شاكر كنا نتصل بيه ويدينا وقت معين، لأن الكهرباء دي بنشتغل بيها في المناطق الصناعية في 15 مايو"، موضحًا: "وبالتالي الفترة الصباحية اللي كنا بنشتغل فيها كان العمال بيشيلوا الحديد على أكتافهم لأني مقدرش أخش بأوناش وأتحرك تحت الخط".
