شهد الرئيس عبد الفتاح السيسي اليوم الإثنين، فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.
ووجه الرئيس السيسي عددا من الرسائل القوية أبرزها:
- مبادرة القضاء على قوائم الانتظار تمكنت من علاج مليون و60 ألف حالة.
- الزيادة السكانية غير متماشية مع قدرة نمو الدولة
- التحديات التي تواجهنا تزيدني إصرارا على العمل والبناء
- ملف حقوق الإنسان على رأس أولويات الدولة المصرية
- أحافظ على الدولة المصرية من الانزلاق والخراب والدمار
- الناس تعبانة وعاوزة تغيير صحيح
- تم العمل على تطوير المنظومة التعليمية، الدكتور طارق شوقي خد على دماغه كتير.
- الناس خرجت في 2011 لأن حالة الرضا المجتمعي مش موجودة والناس مش راضية ومفيش حاجة مكفية ولا تعليم كويس.
- اللى بيفهم أكتر بيتعذب أكثر.. واللى مش بيفهم مرتاح
- عاوز أدى المواطن 30 ألف جنيه في الشهر
- حقوق الإنسان اللي أعرفها إن الناس تاكل كويس وتتعلم كويس وتتعالج كويس.
- انا مش مانع حد يتكلم انا عاوز اللي يتكلم يعرف قضية البلد كويس قبل ما يتكلم ويسمع الناس بدل ما ينكد على الناس في بيوتها بدون كلام أقل ما فيه مش مستكمل معرفته
- لولا فضل الله على مصر لكان هذا البلد ذهب مع الدول التي تهدمت
- المواطن اللي مبيشتغلش حول البلد لخصم
– البلد دي بلدنا كلنا.. مش بتاعتي أنا بس.. وأنا دائما أقول الأمن القومي في كل حاجة.. الرعاية الصحية أمن قومي.. التعليم أمن القومي.. والدكتور طارق شوقى وزير التعليم خد على دماغه لما مات لما جه يطور التعليم
- عاوزين نضاعف المستشفيات عندنا 500 مستشفي وعاوزين ألف مستشفي
- الناس عاوزه تدخل ولادها الجامعة.. وأنت كمواطن تغسل ايدك وتقوله عملتك ليسانس آداب قسم.. العدد اللى بيخرج ملوش مكان.
- روحوا المرج والمطرية والخصوص.. هي دي بلادنا اللي في رقابنا يا كل المسؤولين والإعلام والصحة والتعليم والجامع والكنيسة.. علشان افتح شارع بشيل بالألف بيت وعمارة
- احنا عاوزين معدل النمو في مصر 60 % علشان نوفر 5 تريليون دولار ناتج محلي، وعلشان نوفر الخدمات اللى بتتقدم في أوروبا والتعليم اللي في أوروبا
- معدل النمو الاقتصادي لا يساوي معدل النمو السكاني، عندنا عجز متراكم على مدار 50 سنة.
- أهمية إجراء الفحص الطبي للشاب والفتاة قبل عقد الزواج والزواج في سن صغيرة للفتيات والشباب يؤثر على تنمية الأسرة والمجتمع مستنكرا
- المشروع القومي لتنمية الأسرة المصرية هو مشروع تنمية الدولة ومحاربة الأمية والجهل والفقر ويجب العمل بلا نوم ولا راحة..علشان الدولة تنهض.
