كشف الرئيس عبد الفتاح السيسي عن حوار دار بينه ومع أحد المسؤولين فى بلجيكا قائلا: "التقيت بالناس وكلمت الدنيا وأول ملف كنت بتكلم فيه عن ملف حقوق الإنسان لأننا معندناش حاجة مخبينها وعندنا قضية مش معروفة وغير معلومة الا لبعضنا من ضمن الحاجات اللى كنت بتكلم مع المسؤول قلتله ليه مسالتنيش عن الناتج المحلى بتاعك كام.. استغرب يعني وقلتله الناتج المحلى عندك كام قالى 500 مليار والسكان قال 10 ملايين نسمة.
وأضاف الرئيس: “أخبرته يبقا أنا عاوز دخلى 5 تريليون دولار علشان عندي 100 مليون نسمة وعلشان أنا معنديش المبلغ ده الناس في مصر مش بتاكل كويس ومبتتعلمش كويس ومبتتعالجش كويس أدى حقوق الإنسان اللى انا أعرفها".
وأضاف الرئيس خلال كلمته في تدشين مشروع تنمية الاسرة المصرية: "الناس في مصر مظلومة ومبتتعلمش كويس ومبتتعالجش كويس..انا مش مانع أنه يتكلم انا عاوزه يتكلم.. بس يعرف قضية البلد كويس قبل ما يتكلم ويسمع الناس وينكد عليها في بيوتها بدون كلام أقل ما فيه مش مستكمل معرفته، ودي كلمة مؤدبة عن الجهل وعدم ادراك وعدم تقدير الواقع اللى احنا فيه".
ويحضر الرئيس عبد الفتاح السيسي اليوم الإثنين فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.
ووضع الرئيس عبد الفتاح السيسى منذ توليه مقاليد الحكم معالجة قضية الزيادة السكانية نصب عينيه حيث جاءت توجيهاته بإطلاق المشروع القومي لتنمية الأسرة المصرية بهدف تحقيق نقلة نوعية في مجالات بناء الانسان المصري.
وتنفذ الدولة المشروع القومي لتنمية الأسرة المصرية بمحاوره المختلفة وباشتراك كافة الأجهزة المختصة والذي يهدف للإرتقاء بجودة حياة المواطن المصري والأسرة المصرية ويتم تنفيذه في نطاق جغرافي يشمل كافة أنحاء الجمهورية
