انتشرت تصريحات للفنانة بسمة، عبر وسائل التواصل الاجتماعي وبعض المواقع الإلكترونية، تخص وجهة نظر الفنانة عن "الأمومة والرضاعة" ورفضها لها وتشبيه من تقوم بواجبها في إرضاع أطفالها بـ "البقرة".
شن رواد السوشيال ميديا هجوما كبيرا على بسمة بسبب تلك التصريحات، التي كانت قد قالتها منذ فترة في سياق حلقة في أحد البرامج التلفزيونية.
نص تصريح بسمة الذي سبب تلك الحالة من الهجوم عليها هو :"انا كنت بقول لما ابقى أم إني عمري ما هرضع عشان انا مش بقـرة و مش هلعب دور البقرة في حياة حد ..لحد ما خلفت و رضعت طبيعي سنتين، أرضع سنتين ومش كل ٣ أو ٤ ساعات وكده لا كل ما بنتي تحتاج".
وأضافت بسمة :"كنت بقول أنه مش عيل هينام جمبي وكنت محضره سرير تاني جمبي والبيبي ده هينام الساعه كذا والحاجات دي لحد ما جت بنتي وفضلت تنام جنبي لحد ما باباها هو اللي علمها تنام لوحدها الأمومة غيرتني، دا أنا كنت هبـلة مدلدلة وعبيـطة".
