أدلى المتهم فى واقعة الفنانة كارولين عزمى بالنزهة باعترافات لرجال المباحث عقب ضبطه.
وقال المتهم أنه لم يعاكس او يتحرش بالمجنى عليها وأن الواقعة عبارة عن مشاجرة بسبب المرور .
وأضاف المتهم أنه كان يسير فى الشارع بسيارته وانحرفت إحدى السيارات تجاهه وأثناء تفاديها انحرف بسيارته نحو سيارة المجنى عليها.
وتابع أن مشادة كلامية نشبت بينهما ثم لاحظ قيامها بإخراج هاتفها المحمول لتصويره فتعدى عليها لفظيا.
وكانت أجهزة الأمن بالقاهرة ألقت القبض على المتهم بعد نشر الفنانة كارولين عزمى فيديو على صفحتها على الانستجرام تحدثت فيه عن قيام المتهم بالتحرش بها وسبها.
ونشرت الفنانة كارولين عزمي فيديو عبر حسابها الشخصي بموقع التواصل الاجتماعي «انستجرام»، توثق خلاله تعرضها للتحرش أثناء قيادة السيارة، وعلقت كارولين على الفيديو قائلة: «أنا اللي يعرفني أو متابعني عارف اني شخص مالوش في المشاكل ولا عمري شاركت مشكلة تخصني على سوشيال ميديا... باختصار النهاردة كنت في عربيتي وجنبي عربية فيها واحد كسر عليا كل اللي عملتوا انا بصتله وبصيت قدامي ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج"... ساعتها اتخضيت و بدأت اصور بجد و انتو هتشوفو في الفيديو الحركات اللي بي أيده و الشتايم…. و بدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا».
وتابعت في تعليقها على الفيديو: « انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض.. اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح.. انا عايزه حقى يرجعلى».
