تحدث محمد مجدي قفشة لاعب النادي الأهلي، عن استبعاده من المنتخب الوطني حيث قال: “ماعرفش كيروش مستبعدني ليه، ولا أعرف أسباب استبعاد طارق حامد، لكن أكيد وجهة نظره”.
وتابع خلال استضافته علي فضائية ام بي سي مصر: “ماعرفش الكلام اللي بيتردد يقول إن طارق حامد مبيرضاش يقعد دكة في المنتخب، معرفش الكلام ده منين فأنا بتواصل مع طارق حامد دائمًا”.
وأضاف: “أول أمس آخر كلام بينا لأنه أخويا الكبير.. وممكن نكون في إعلان سوا مع بعض أنا وطارق حامد وعماد متعب قريب جدا، وطارق رجل جدا ولعيب جدا، لو فيه سبب أعرفه بشأن استبعادي هقول ولكن الكرة مش هتقف على حد بالنسبة لي”.
وتابع اللاعب: “بالنسبة لطارق حامد في المنتخب فيه ناس كتير مش بتروح، والمنتخب بيكسب والعكس عادي، والأمر طبيعي”.
