اعتذر المطرب الشعبي حمو بيكا للفنان هاني شاكر نقيب المهن الموسيقية، للسماح له مجددا بالحصول على تصريح للغناء.
ونشر بيكا على صفحته الرسمية بموقع التواصل الاجتماعي فيس بوك صورة لنقيب الموسيقيين وعلق عليها كاتبا: "الاستاذ هاني شــاكر (نقيب المهن الموسيقية و امير الغناء العربي)، بعتذر لحضرتك ولكل نقابة المهن الموسيقية عن كل ما صدر مني ،واستسمح حضرتك أن تقبل اعتذاري انت وكل اساتذتي في النقابة ،انا مكنتش طالب اكتر من اني اشتغل ومش طالب اكتر من التصريح السنوي ،لإني عايـز اشتغل واشوف شغلي وحياتي .. اتمني ان تقبل اعتذاري وتعتبرني ابن من ابنائك".
واعقب المطرب الشعبي هذا المنشور بمنشور تالي دافع خلاله عن مؤدى المهرجانات كتب خلاله :"دايماً بتقولي علي مؤدين المهرجانات بينشرو الفساد وبيبوظو الجيل والذوق العام .. بس للاسف ده كله بيبقي هري وقطيع بيمشي ورا كلام ناس مش بتحب تبين الحلو في الناس ودايماً بيدورو ازاي يحبطو الشباب واحلامهم".
وتابع: "قولولي ازاي هنكون بنفسد الذوق العام واحنا عاملين مهرجان بنوعي فيه الشباب البعض عن المخدرات والكيف والادمان ؟ ومش كده بس لو دورتو هتلاقوو كتيير من اغاني اللي بتقدم رسالة كويسة للشباب .. مش بننكر ابداً ان زمان كان في مهرجانات فيها كلام مكنش ينفع يتقال .. بس ده كـان عصر وانتهي وكانت قصص افلام اتعرضت بالفعل علي التليفزيون والسنيمات".
