وجه الرئيس عبدالفتاح السيسي، حديثه لوزير النقل، قائلًا: "ليه مكنش فى تطوير خلال السنوات الماضية؟، ومن ثم أكمل الرئيس حديثة: "علشان بيخافوا من التسعير.. فى ناس معندهاش مشكلة البلد تخرب عشان الكرسى ويقعد هو.. ونخرب فى البلد ونخليها بلد كهن".
وأضاف "السيسي" خلال كلمته ضمن فعاليات افتتاح أعمال التوسعات والتطوير بمصنع كيما 2 للأسمدة بأسوان، اليوم الثلاثاء: "الناس عارفة كويس أن العلاج عايز فلوس ولا كما تحط الفلوس تقدر ترجعها.. وقولت لوزير النقل متقربش من التذكرة إلا بعد تجديد العربات وتقديم خدمة تليق بالمواطن المصري".
وتابع: "تقريبا اللي اتعمل منذ عام 1952 وحتى عام 2010 في خمسين سنة تقريبا تلت مرات بالنسبة للجرارات ومرتين بالنسبة للركاب ومرة وعشرين في المية بالنسبة لعربات نقل البضائع في ستين سنة ولما بقول الكلام ده بحطه قدامكم عشان تعرفوا حجم المشكلة والدنيا اتغيرت يا كامل بس احنا مقدرناش نواكب ده معاهم " .
وأردف: "ليه اللي قبل مننا كانوا في الخمسينيات والستينيات كانوا قادرين يعملوا كده ويطوروا .. ليه ياكامل ؟ .. قول الحقيقة .. انا هقولها بمنتهى الوضوح التسعير .. الخط لو بياخد 5000 جنيه عشان يتحرك أنا باخد 1000 جنيه وأفضل ادعمه وسأتحمل معاه لحد ما ينهار”.
يذكر أن الرئيس السيسي تفقد عددًا من المشروعات القومية الجديدة بصعيد مصر كما استمع لعروض وشرح تفصيلي عن العديد من تلك المشروعات أبرزها مشروع توشكي الخير، ومجمع بنبان للطاقة الشمسية، وذلك ضمن فاعليات "أسبوع الصعيد".
وتأتي افتتاحات المشروعات القومية ضمن فاعليات "أسبوع الصعيد" في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددًا من المجمعات الصناعية والمحاور والطرق، لاسيما المحاور العرضية على نهر النيل.
