قال الرئيس عبد الفتاح السيسي بشأن الثروة الحيوانية في مصر: "قولت قبل كده اللى عنده رأس ماشية بتجيب 5-6 كيلو لبن.. وفيه رأس ماشية أخرى بتجيب 30 كيلو لبن.. ده بيظلم نفسه.. وانا بتكلم مع أهلنا في الصعيد.. لازم نطور في موضوع الماشية ده".
وأضاف الرئيس السيسي: " إحنا مهمومين بالصعيد ومستعدين للتغيير.. وبناخد القرار علشانكم.. خلى الناس تاخد من رأس الماشية اللى انتاجها أكبر.. ووزع اديله تانى علشان يبقى عندك حق.. الثروة الحيوانية في مصر إنتاجها فيه فرق في التسمين.. رأس ماشية تطلع نص كيلو في اليوم ورأس تطلع 1.3 كيلو في اليوم.. كده كده بأكل.. فيه اللى بأكله يدنى نص كيلو ولا يدينى 1.5 كليو.. لازم الدولة تتصدى وتشمر دراعاتها.. وعندنا برنامج لتحويل الوضع ده في مصر لمدة 3-5 سنوات.. ده يذبح وده الجديد لأنه أفضل في التسمين وكمية اللبن".
كما أكد الرئيس السيسي، عن أن الدولة المصرية لديها الفرصة الكاملة من أجل زيادة الإنتاج في كل شيء
وقال : "عندنا فرص حقيقية.. لما نجيب أمام الله.. أقصى طاقة فى كل شي.. في القصب أقصى حاجة.. وبحيرة المنزلة وبحيرة ناصر اقصى حاجة هيجى خير.. لما نريح ونقول بالشتل والموضوع كلمتين منك وأنا اسمعهم طبعا لا.. ولازم الرسالة والإجراء يكون وصل للناس اللى تحت".
وأضاف الرئيس السيسي،: "لازم مديرية الزراعة تعمل وتحط برامج مع المحافظة والمواطنين ومؤتمرات وكلام أنزل الأرض وأشيل القصب القديم بعد 5 سنين من دورة الزراعة.. ونحط الشتلة الجديدة لزيادة الإنتاج.. وحد يقول أشيل 50 ألف فدان واحط الشتلة ومش مهم الفارق لأنه هيعوض".
ويتفقد الرئيس عبد الفتاح السيسي اليوم مصنع اليوريا ونترات الأمونيا بمنطقة كيما بمحافظة أسوان.
وقال السفير بسام راضي المتحدث الرسمي باسم رئاسة الجمهورية، إن الرئيس يقوم كذلك بتفقد محطة سكك حديد أسوان، حيث يشهد الرئيس تدشين الوحدات المتحركة الجديدة بمختلف أنواعها من قاطرات وعربات السكك الحديدية.
وافتتح الرئيس السيسي من محافظة قنا سلسلة من المشروعات القومية الجديدة بمختلف القطاعات بصعيد مصر.
وتفقد الرئيس السيسي عددًا من المشروعات القومية الجديدة بصعيد مصر، كما استمع إلى عروض وشروح تفصيلية عن العديد من تلك المشروعات
وشهد الرئيس السيسي افتتاح عدد من المشروعات التنموية بمحافظات الصعيد خاصة في مجال الزراعة، ومنها مشروع توشكى الخير، وذلك ضمن فاعليات "أسبوع الصعيد".
كما تفقد الرئيس السيسي مجمع بنبان للطاقة الشمسية بمحافظة اسوان، كما افتتح عددًا من المشروعات التابعة لقطاع الكهرباء بمحافظات الصعيد.
وتأتي افتتاحات المشروعات القومية ضمن فاعليات "أسبوع الصعيد" في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددًا من المجمعات الصناعية والمحاور والطرق لا سيما المحاور العرضية على نهر النيل
