الموهبة عطاء من الله تتنوع من شخص لآخر وبطرق مختلفة، فهناك من يبدع فى لعب الكرة وهناك يمتلك صوتا عذبا يوظفه فى الغناء ومنهم صاحب اللمسة السحرية فى الرسم، الذى يمتلك موهبة ترجمة الأفكار لبورتريهات فنية.
ومن تلك المواهب رنا هشام رستم "٢٩ سنة" والحاصلة على ليسانس آداب إنجليزي بجامعة القاهرة، والتى أبدعت فى رسم البورتريهات وإعطاء كورسات رسم لجميع الأعمار.
تقول رنا في البداية "اكتشفت موهبتي في الرسم وأنا صغيرة جدًا وكنت دايما مميزة في الرسم من اول ما دخلت المدرسة واللي شجعني في الرسم جوزي وبابا وماما".
وأضافت: "أخدت كورسات رسم من فترة طويلة والحمدلله دلوقت انا اللي بدي كورسات، لأني كنت دايما مميزة في الرسم وعندي حس فني كبير وموهوبة من صغري".
واستطردت قائلة: "زوجي اللي بدأ يشجعني جدا إني أنمي موهبتي واخد كورسات واشترالي جميع الأدوات، وكنت الأول بحب أرسم بورتريهات تعجبني من النت وبعدين لما بدأت اعمل أوردرات اتجهت للأوردرات أكتر وبقيت برسم أشخاص نسخة طبق الأصل.. عندي ألوان باستيل وألوان خشب بس بفضل أكتر للفحم".
وقدمت رنا النصيحة لكل من لديه موهبة الرسم، قائلة: "ارسموا كتير نموا موهبتكم و خدوا كورسات تقوية في الإجازات، وحبوا الرسم و اتعلموا بحب هتبقوا فنانين و شاطرين ومتميزين".
واختتمت رنا حديثها موجهة الشكر لـ"البوابة نيوز" لاهتمامها بالمواهب الفنية المختلفة، متمنية للجريدة مزيدًا من النجاح والتوفيق.
