فاجأت الفنانة شيرين عبد الوهاب جمهورها بظهورها في أحدث حفلاتها في مهرجان "أم الإمارات" في أبوظبي، حليقة الشعر في أول حفل لها بعد تجربة الطلاق التي عاشتها مؤخرا.
وقالت شيرين خلال الحفل بعفويتها المعهودة:"مبسوطة إني معاكم ويا رب تقبلوني بالشكل ده بس انتو عارفين أنه أنا كده فوقت، وبتحدى أصالة المرادي مش حتقدر تعمل كده، شايفين القمر النهاردة بلون فستاني"، وبعد وصفها بالقمر من قبل الجمهور الحاضر لحفلها ردّت عليهم "انتوا القمر مع قبلة ".
ومنذ ظهور شيرين بـ"اللوك" الجديد، بدأت الجماهير والفنانون في مؤازرتها بمحنتها والتعبير عن حبهم لها في كل حالاتها فقال الفنان محمد على رزق عبر حسابه على موقع التواصل الاجتماعي "فيس بوك": " أي حد بيتريق على شيرين يبقى مريض نفسي… واضح جدًا إن تجربة جوازها كانت قاسية وصعبة وكانت بتمر بضغوط تقيله… البني آدم إللي بجد.. يدعمها ويقولها مهما عملتي إنتي شيرين إللي بنحبها وقمر فكل حالاتها".
وتابع "محمد":"شيرين بتستعيد ثقتها ساعدوها .. الجمهور مش دوره يسمع ويتفرج وينتقد بس…الجمهور المفروض لو لاقى النجم إللي بيحبه بيقع ومحتاجه علشان يقف يسنده مش يدوس عليه".
بينما قالت المطربة مروة ناجي عبر حسابها على موقع التواصل الاجتماعي "فيس بوك": "الجمهور المفروض لو لقى شيرين تعبانة يساندها ويقف جنبها مش يتريق عليها".
وتابعت "مروة":"شيرين دى اللى بصوتها وإحساسها فرحت كل بيت وواضح جدا إنها بتمر بتجربة صعبة،وهى دلوقتى محتاجة دعم كل الناس اللى بتحبها ونقولها بنحبك وبنمووووت فيكى يا شيرين، وإنتى مازلتى وهتفضلى صوت مصر ومهما حصل هتفضلى بردو شيرين عبد الوهاب".
وقال الفنان وائل عبد العزيز عبر "فيس بوك: " متزعليش يا ست البنات ارجعي ونوري واشتغلي لجمهورك كله بيعدي الفرح بيعدي والحزن بيعدي وانتي واحشتينا، ربنا عوضه كبير وبعدين انتي قمر في أي حاجه".
بينما قال الفنان مصطفى درويش: "شيرين عبدالوهاب إحنا بنحبك كل الناس بتحبك هتعدي".
وعلقت الفنانة سمية الخشاب على ظهور شيرين حليقة الشعر وقالت عبر تويتر:" شيرين الإحساس والإبداع كلنا بنحبك وبنعشق صوتك وإحساسك يلا بقي عايزين أغاني تكسر الدنيا كالعاده واللي فات مات بكرة أحلى وأجمل وارجوكي بقى حبي نفسك وقدريها وخافي عليها ودلعيها لأنها تستحق".
وقالت الفنانة مي كساب لشيرين عبر "تويتر":" يا شيرين قابلينك وفاهمينك واللي مش فاهم مش مهم يفهم مش مضطرة تبرري بس ردي ع التليفون عشان وحشتيني يا بنت عاوزة أسمع صوتك وبعدين شعرك بيطول بسرعة إحنا عارفين المهم إنك إرتاحتي يا أختي العزيزة".
ووجه الشاعر تامر حسين رسالة حب وتقدير لشيرين وقال لها عبر تويتر: "صوت مصرى عظيم قمر وحلوة في كل حالاتك ياشيرين وبياخدنا جمال صوتك وعفويتك إعملى اللى تعمليه بس تغنى تتواصلى مع جمهورك دايمًا وعايزين نسمع ألبومك".
وكتبت الفنانة مي نور الشريف عبر حسابها على تطبيق «إنستجرام»: " أنا متعرفتش عليكي في الحقيقة بحبك كمعجبة لمغنية موهوبة شاطرة أنا بحبك جدا دلوقتي كإنسانة وبحترمك جدا ربنا يديم عليكي قلبك الحلو ويحفظهولك أصعب شيء أننا نمر بالوحش نقدر نحافظ على نقاء قلبنا وروحنا من قسوة الحياة وأنتي نجحتي في دا".
وتابعت مي: "ربنا يديم عليكي نعمة الرضا والنجاح وحب الناس في انتظار أحلى الأغاني من أحلى صوت شيرين عبدالوهاب".
بينما وجهت الفنانة كندة علوش رسالة لشيرين وقالت عبر تويتر: "أنت قمر بكل حالاتك.. وزادت حلاوتك وتعملي اللي يعجبك طالما مش بيضر حد وحشتينا وكلنا منتظرين جديدك والأهم.. تكوني مرتاحة وفرحانه".
ونشرت الفنانة منة فضالي صورة لشيرين عبد الوهاب عبر تويتر وكتبت لها: "انتي جميلة في كل حالاتك الصوت الأصيل المصري الجمال المصري كلنا بنحبك انتي شرين عبد الوهاب".
ووسط ما تعانيه شيرين من آثار نفسية لتجربة الطلاق لم تسلم من التكهنات والشائعات التي تداولها البعض عبر وسائل التواصل الاجتماعي عن أن السبب وراء حلق شعرها هو طليقها الفنان حسام حبيب الذي فعل بها ذلك رغما عنها، الأمر الذي نفته في أول تعليق لها على موقع التغريدات "تويتر" بعد حفلها وقالت:" ليه ميكونش لوك جديد؟، ليه ميكونش تغيير؟، ليه ميكونش انا اللي عملت كدة حتى لو عندي اكتئاب؟، ليه فرضتوا السيئ والأسوأ وظلمتوا شخص بريء وظلمتوني..
أنا قوية بيكوا، بس محبش حبكوا ليا يخليكوا متشوفوش الحقايق أو تكونوا ظالمين".
