بصور رومانسية ورسالة حب ، هنأت الفنانة ياسمين عبد العزيز زوجها الفنان احمد العوضي بعيد ميلاده ، ونشرت ياسمين على صفحتها الرسمية بموقع الصور والفيديوهات انستجرام ، صورا تجمعها بأحمد العوضي ، وكتبت معلقة:"Happy birthday my love ".
وكشفت ياسمين واحمد العوضى الكثير عن تفاصيل فترة مرضها الاخيرة وذلك خلال ظهورهما في برنامج “معكم” مع الاعلامية منى الشاذلي ، حيث كشف العوضي السر في عدم سفره مع ياسمين عبد العزيز وقت مرضها إلى سويسرا، وهو ما جعل البعض يردد أن هناك بعض الخلافات بينهما مما جعلة لم يفكر في السفر لمتابعة حالتها الصحية في الخارج.
وقال العوضى: "أنا مش مسافر المعمورة، ومكنتش واخد اللقاح وهى كان معاها فيزا وأنا لأ، وفيه إجراءات لازم تتعمل، وإحنا مش بنزايد على بعض واللى موجود معاها هايسد، وأخوها شريف كان موجود، وأنا خدت كلام الناس بحسن نية وحب، المهم عندى وقتها كان أن ياسمين ترجع زى زمان".
وقالت ياسمين: "العوضى تعب جدا معايا بعد كده لما سافر سويسرا وفعلا ماكنش بينام فى الـ3 شهور اللى كنت عيانة فيها".
وأضافت: "خلال مرضى العوضى جه وحط دماغه على راسى وقالى أوعدينى إنك هاترجعى وتكملى".
وأوضح العوضى: "بعد مرضها ياسمين اتغيرت جدا وخصوصا معايا وبقت هادية".
وفي وقت سابق كشفت الفنانة ياسمين عبد العزيز، عن تفاصيل خطيرة في أزمتها الصحية التي تعرضت لها الفترة الماضية .
وأكدت " ياسمين عبد العزيز "، أن البوست الذى كتبه زوجها أحمد العوضي على السوشيال ميديا خلال مرضها كان سببا رئيسيا فى نجاتها من الموت.
ولفتت إلى أن البوست الذى كتبه أحمد العوضى، جعل الجميع يدعو لها، و بفضل الله و الدعاء جعلها تمر من هذه الأزمة.
وقالت ياسمين عبد العزيز، خلال حوارها مع الإعلامية منى الشاذلي ببرنامج "معكم" المذاع على قناة "سي بي سي"، " هذه الفترة كانت صعبة والجميع كان يتوقع أنها ستموت".
وفي وقت سابق كان كتب أحمد العوضي :" يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا، أنا ضعيف جدًا من غيرك انتي لازم تبقي كويسة ولازم تقومي بالسلامة، أنا لأول مرة اكتب من غير ما أكون مفكر أنا بكتب إيه وهكتب إيه، بس انتي هتقومي إن شاء الله بإذن الله عشان انتي وعداني وعد وهتتفذيه".
"انا عاوزك تبقي كويسة وتقومي عشان أقولك أني لو كنت ببينلك أني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا.. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتي من الموقف اللي إحنا فيه دلوقتي.. أنا بحبك "، واختتم كلامه: "ادعوا لها تقوم بالسلامة زي ما أنتو دايما بتدعولها بالنجاح والتوفيق.. هي دلوقتي محتاجة دعواتكم".
