تجسد هذه اللقطة العبقرية من مسلسل "ملوك الجدعنة"، الذي عرض في شهر رمضان الماضي بطولة مصطفى شعبان، عمرو سعد، ياسمين رئيس، رانيا يوسف، دلال عبد العزيز، إضافة إلى عمرو عبدالجليل إخراج أحمد خالد موسى، حالة انسانية ربما نصادفها جميعا تتمثل في وجود نفوس طيبة مريحة تحاول اقتناص لحظات فرح معدودات من الدنيا ومآسيها، في حين تسعى فئات شيطانية خبيثة الكيد كيدًا لهدم فرحة هؤلاء البسطاء وتنكير حياتهم ببذل كل ما يستطيعون من مكائد ومؤامرات لهدم جمعهم وتفريق شملهم.
ورغم جرعة العنف والبلطجة التي احتواها المسلسل، إلا أن كلمات وأداء الممثلين في هذه الأغنية بكل صراحة "جابت م الآخر".. حيث لخصت مشوار الدنيا كله في 5 دقايق، بالإضافة إلى أن تصويرها الإنساني مدهش والموسيقى "جامدة جدا".. وخصوصا لما اللي يشوفها يسترجع تقلبات الحياة اللي بنعيشها، ووفاة الفنانة دلال عبدالعزيز، وووو
وتقول كلمات الأغنية التي أبدع فيها النجم احمد سعد بالغناء و كاتب الاغنية: محمود عبدالله وملحن الاغنية: اسلام معز:
كل يوم بيفوت ويمشي
ساب أكيد جواك علامة
ذكريات مع ناس نضيفة
أو مآسي وناس لمامة
اللي حبك رغم حملك
شال معاك الحمل ياما
واللي مهما بيبتسم لك
فيه صفار في الابتسامة
اللي سابك غصب عنه
واللي أديك ارتحت منه
واللي مش ممكن تقابله
تاني غير يوم القيامة
تاني غير يوم القيامة
اللي بالغالي اشتريتهم
لما كانوا ولا اليتامى
بس طلعوا معندهومش
لو بربع جنيه شهامة
اللي عاش وحياته واضحة
واللي لسه عليه غيامة
خير عملته وخدت ثمنه
خير دفعت عليه غرامة
اللي سابك غصب عنه
واللي أديك ارتحت منه
واللي مش ممكن تقابله
تاني غير يوم القيامة
تاني غير يوم القيامة
واللي مش ممكن تقابله
تاني غير يوم القيامة
تاني غير يوم القيامة.
