تستضيف مكتبة البلد حفل توقيع ومناقشة كتاب"سنة أولى نفسية:نفسك.. جسمك..علاقاتك" الصادر عن دار الكرمة، للكاتبة "شيماء الجمّال" ويناقشها الكاتبة "ليلى سامي" وذلك في السابعة مساء الغد الخميس.
ويندرج الكتاب تحت فئة كتب تطوير الذات والتنمية البشرية ، صدر كتاب سنة اولى نفسية ( نفسك - جسمك - علاقتك ) فى يوليو قبل معرض القاهرة الدولى للكتاب عام 2021.
تقول شيماء الجمال عن كتابها الجديد: " سنة أولى نفسية كتاب هيساعدك تفهم ذاتك وتصاحبها وتحب جسمك وتحترم نفسك جوه علاقاتك. في سنة 2016 اتشخصت باضطراب وجداني ثنائي القطب ومن يومها حياتي اتغيرت ومن يومها وأنا بقرأ بشكل مكثف في الصحة النفسية وبحضر جلسات علاج نفسي فردية وجماعية بشكل منتظم وبكتب كل اللي باتعلمه فيها وبدأت من سنتين الدراسة المتخصصة. في أول الرحلة كنت متلخبطة وكانت الكتب النفسية العلمية معقدة عليا وصعبة وكان نفسي أقرأ كتب بسيطة تاخدني في رحلة فهم الذات والعلاقات. وبعد ما مشيت خمس سنين كاملة في الكتابة والدراسة قررت إني أحاول أقدم الكتاب ده. كتاب يساعد كل شخص يبدأ المشوار كتاب ينور شوية مفاهيم صعبة ويوصلها بشكل بسيط للي لسه بيبدأوا طريق الوعي النفسي. الكتاب ده ليك لو لسه بادئ رحلة البحث عن الذات لو لسه بتدور على نفسك وعايز تقف على أرض صلبة علشان كده اسمه سنة أولى نفسية "
