تباشر نيابة القاهرة الجديدة، اليوم الثلاثاء، التحقيق في واقعة اتهام طالبة لسائق سيارة ميكروباص بالتحرش بها وهتك عرضها عن طريق ملامسة مناطق حساسة بجسدها، وذلك حال ركوبها الميكروباص الذي يعمل عليه من ميدان الحصري بمدينة 6 أكتوبر متجها إلى منطقة التجمع الخامس.
واستدعت النيابة العامة الطالبة المجني عليها، لسماع أقوالها حول تفاصيل الحادث، كما طلبت النيابة سرعة ضبط وإحضار المتهم وعرضه على جهات التحقيق فور ضبطه وكلفت المباحث بعمل التحريات حول الواقعة كما أمرت بالتحفظ علي الفيديو الخاص بالواقعة، وتفريغه وإعداد تقرير بما يحتويه الفيديو وإرفاقه بملف القضية.
وكانت قد دونت طالبة تدعى "رانيا سليمان" علي موقع التواصل الاجتماعي "فيس بوك" واقعة تعرضها لتحرش جنسي داخل سيارة ميكروباص، وشرحت "رانيا" كافة تفاصيل واقعة تعرضها للتحرش علي عبر تدوينها بوست على موقع التواصل، وأكدت أنها قامت بتحرير محضر له في قسم التجمع الخامس بمديرية أمن القاهرة.
وقالت "رانيا": "أنا حرفياً بكتب البوست ده وأنا منهارة ومكنتش متخيلة أن ممكن في يوم أنزل بوست زي ده مش عارفه أوصفلكم إحساس الخوف والتعب النفسي والجسدي اللي أنا فيه، أنا مرضتش أنزل الفيديو عشان نفسيتي أنا كفاية أنه ف تلفوني وكل مبشوفه بنهار".
وأوضحت "أنا كنت راكبه التجمع من موقف الحصري مكنش فيه غير مكانين جنب السواق وانا ركبت وبنت جنبي وفي نص الطريق حاسه بحاجه ع رجلي وانا مش عاوزه اعمل شوشرة عشان مظلموش فتراجعت للخلف نفسي وهو مصمم برضو لحد ما قررت اطلع تلفوني واصوره ع الاقل اخد حقي قانوني ايده كانت مش ثابته وكان عمال يديني في جنبي هو طبعا مش بيديني ف جنبي هو عاوز يلمس اي حته وخلاص صورت اللي صورته وخوفت، الفون عند وشه ولما كله نزل قولت هنزل، لسه باخذ شنطتي لاحظ ان الكاميرا مفتوحة شد ايدي ومرضيش إن أنزل يقولي خدي تعالي معايا يا تيجي معايا يتتجيبي التلفون فضلت أقاوم ونطيت من العربيه وأول ما نزلت صورته وصورت العربية".
وتابعت "الحمد لله اني لحقت لأنه جري، هعمل محضر وهاخد حقي قانوني وحسبي الله ونعم الوكيل انا حرفيا صوتي بقاله يومين مش طالع ومكنتش قادره ان أصوت للأسف انا مش هقول غير كل بنت تاخد حقها انا هعمل محضر وهاخد حقي ان شاء الله، لازم نحارب أن كله يخاف يؤذي أي بنت متركبوش العربيه دي".
وتواصلت "البوابة نيوز" مع الطالبة التي أكدت بأنها قامت بتحرير محضر في قسم شرطة التجمع الخامس، واستغاثت "رانيا سليمان" بالأجهزة الأمنية بمديرية أمن القاهرة لسرعة ضبط المتهم الذي تحرش بها قائلة "أنا عاوزه حقي".
