كشفت ابنة المجني عليه في حادث الإسماعيلية، تفاصيل عن مقتل والدها على يد " دبور " الشهير بسفاح الإسماعيلية.
وتساءلت " ابنة المجني عليه"، خلال حوار لها في برنامج تفاصيل عبر فضائية "صدى البلد 2"، إزاي اللي قتل أبويا يجيله جرأة يقطع رقبته ويشيله من شعره، ويمشي بيها في الشارع علشان يوريها للناس؟!
القاتل وقف مع أبويا أكتر من ربع ساعة
وأوضحت ابنة المجني عليه أن القاتل ظهر خلال الفيديو المتداول أنه واقف مع أبويا أكتر من ربع ساعة، وكان أبي لا يعتقد أنه سوف يقتله.
أبويا راح يجيب حاجة من صندوق التروسيكل
وأردفت ابنة المجني عليه، أن أبويا التفت ثانية عشان يجيب حاجة من صندوق التروسيكل، وفوجئ بالقاتل طلع السكينة من هدومه وذبحه وضربه بالسكينة في رقبته وذبحه على طول.
وأكدت ابنة المجني عليه في حادث الإسماعيلية قائلة: إننا هناخد حق أبويا ومش هنسيب حقه، مردفة: أخويا رفض يموت قاتل والدي لما إدوله السكينة".
وفي وقت سابق كشف إسماعيل يوسف عبدالسلام، المواطن الشهم الذي تصدى لسفاح الإسماعيلية، والشهير بصاحب واقعة العجلة تفاصيل الحادث.
وأضاف إسماعيل يوسف، "أنا كنت ماشي في الشارع الذي وقع فيه الحادث، وكنت راكب العجلة ولقيت واحد غرقان في دمه، والتاني بيضرب فيه والناس واقفة تتفرج ومحدش راضي يروح يحوش عنه خالص وفي نفس الوقت استغربت تصرف الناس غير الطبيعي لافتا وبشكل لا شعوري مسكت العجلة بتاعتي ودخلت فيه بقوتي، حاجة من عند ربنا وطبيعية وحاولت أمنعه عن المجني عليه.
واستكمل صاحب واقعة العجلة قائلا: " وأنا داخل على القاتل قولتله هتودي نفسك في داهية كده غلط، وكان رده عليا قالي ياعم الحاج أبعد أنت وملكش دعوة ".
وأكد " يوسف "، تعليقا على انتشار أخبار على السوشيال ميديا والمواقع الإلكترونية عن أن القاتل يتعاطى المخدرات قال القاتل كان شخص طبيعي والكلام معاه كان طبيعي ولسانه مكنش تقيل ومش باين عليه أنه شارب مخدرات ومكنش بيتهته".
وأردف المواطن الشهم قائلا: "دخلت عليه وقولتله يابني هتضيع نفسك، وهو كان بيهوشني بالسكينة، وقتها كان القتيل في ضهري وغرقان في دمه"، متابعا: "قلت للقاتل أنا خايف عليك ومش عايز منك حاجة، ولكن القاتل قالي دا اغتصب أمي وأختي مرة واتنين".
وأشار يوسف: "لما قالي أمي دي خلتني خلاص جسمي مستحملش والحماس اللي كان معايا راح، ونزلت العجلة وروحت ماشي ومردتش أقف وأشوف أي حاجة لأن كلمة أمي دي كلمة كبيرة وأكبر حاجة محدش يستحملها، في ساعتها مفيش تفكير ومشيت وفكرت بشكل عاطفي"،
وقال صاحب واقعة العجلة: " إن المنطقة التي بها الحادث لا يحدث فيها مشكلات نهائي ومشكلة المخدرات موجودة في المنطقة ولكني مليش دعوة بيها أنا وأسرتي".
وتابع "يوسف ": "لما نزلت العجلة ومشيت مردتش أرجع من الشارع والناس اتلمت"، متسائلًا: "فين الناس".
وحول الجرأة التي وصف بها على السوشسيال ميديا والمواقع الإخبارية أجاب قائلا:: ان الجرأة بتيجي من عند ربنا مش بإيد الإنسان، كنت شايف السكينة في إيد القاتل ولكني دخلت عليه عشان أوقفه عن قتل الشخص دا"، مردفا لما روحت البيت حكيت لأسرتي على اللي حصل وكان في دم في العجلة مسحتها وغسلت الدم من العجلة.
وعن مشاهدته لفيديو الواقعة أشار قائلا: " لما شفت الفيديو على اليوتيوب والقتيل شال رقبة القتيل خلاني قلت يارتني كنت كسحته علشان ميعملش اللي علمه في القتيل ده".
